МУИС сургалтын төлбөрөө нэмж оюутнуудаа дарамталсан тухай мэдээлэл цацагдсан. Тодруулбал, нэгдүгээр курсийн оюутнаасаа намар төлбөрийг нь авчихаад одоо дахиад “Мөнгө нэмж төл, чадахгүй бол жилийн чөлөө өгнө” гэж дарамталсан тухай зарим мэдээллийн эх сурвалж дээр нийтлэгджээ. Энэхүү мэдээллийн мөрөөр тус сургуулийн Монгол хэл соёлын сургуулийн Сургалтын албаны эрхлэгч Т.Чихараас тодрууллаа.

Тэрбээр “Манай сургууль Боловсролын яамнаас есдүгээр сард тогтоосон сургалтын төлбөрөө л авч байгаа. Харин манайх кредит цагийн системд шилжсэнтэй холбоотойгоор ийм асуудал үүссэн тал бий. Өөрөөр хэлбэл манай оюутнууд хоёрдугаар семистртээ намар төлсөн төлбөрөөсөө давсан хэмжээний хичээл судалснаас нэмж мөнгө төлөх шаардлагатай болоод байгаа юм. Өөрөөр хэлбэл оюутан 30 кредит цаг судална гэж намар мөнгө төлчихөөд хоёрдугаар семистртээ нэмж хичээл судлаад  30 биш 34 кредит болсон байх жишээтэй. Үүнийг л эцэг эхчүүд буруу ойлгосноос болж иймэрхүү мэдээлэл цацагдсан болов уу” гэсэн юм.

С.ДОРЖ /WWW.ZONE.MN/