Филиппиний ерөнхийлөгч Родриго Дутерте зэвсэг худалдах гэрээгээ цуцалсантай нь холбогдуулан АНУ-ын оршин суугчдыг бүдүүлэг үг хэллэгээр дайрчээ. Тэрээр Филиппиний иргэдэд хандан телевизээр мэдэгдэл хийхдээ үүнийгээ илэрхийлсэн байна.

“Тэр сармагчингуудыг хар даа. Бидний худалдаж авахаар хүссэн 26000 галт зэвсгийг манайд зарахаа болилоо гэнээ. Болино л биз, манайд америк тэнэгүүдийн зэвсгийг авсан аваагүй, хангалттай өөрсдийн бүтээсэн зэвсгүүд байгаа” гэж Дутерте эгдүүцсэн аж.

Родриго Дутерте өөрийн улс орон дахь хар тамхины наймаачидтай дайн зарлахын тулд зэвсэг шаардлагатай байгаа талаар өмнө нь мэдэгдэж байсан билээ. Тэрээр түс тас, хэлье гэснээ шулуухан хэлчдэг зан авираараа дэлхийн тавцанд шуугиулаад амжсан нэгэн. Түүний ил тод шүүмжлэлт үг хэллэгүүд ихэвчлэн АНУ-ын ерөнхийлөгч Барак Обама, НҮБ-ын ерөнхий нарийн бичгийн дарга Пан Ги Мун нарт чиглээд байгаа юм.  

Д.Мөрөн

Эх сурвалж: ZONE.MN