Сүүлийн үед гадны хүнтэй суухын мөрөөс болсон монгол бүсгүйчүүд цөөнгүй тааралдах болсон. Тэдэн дунд сайн хүнтэй таарч сайхан амьдарч байгаа нэгэн байхад хүний нутаг гүний газар харь эр, хадмын дарамт хүчирхийлэлд автагсад цөөнгүй. Нигер нөхрийн зодуурыг тэсэхээ больж хоёр хүүхдээ дагуулан нөхрийнхөө гэрээс оргосон Монгол бүсгүйн бичлэг олны анхаарлыг татлаа. Түүнийг Сумъяагийн Энхмаа гэдэг. Одоогоос дөрвөн жилийн өмнө хоёр хүү, өвчтэй эхийгээ орхин Африкийн Нигер улсыг зорьжээ. Нөхөртэйгөө Хятадад танилцсан бөгөөд анх танилцаж байхдаа нуур нугас мэт байсан нөхөр нь эх орондоо аваачаад зодож занчиж эхэлсэн байна. Олон жил харь эрийн хүчирхийлэлд автсан тэрбээр цагдаагийн газарт нэг бус удаа хандсан боловч “Гэр бүлийн маргаан” гээд үл ойшоодог байж. Улмаар гадаад пастортыг нь нөхөр нь хурааж авсанаас гадна жирэмсэн байхад нь маш их зоддог байжээ. Энхмаа бүсгүйг галт тэрэгний тасалбар авахад хөршүүд нь тусалж, тэрбээр оргож чадсан бөгөөд Монголын элчин сайдын яамтай газар очихыг уйлан гуйж байгааг энэхүү бичлэгт харуулжээ. Г.Энхтуяа /WWW.ZONE.MN/