Өнгөрөгч амралтын өдөр Бурхан халдун ууланд авиралт хийхээр явсан  Ерөнхий сайд Н.Алтанхуяг тэргүүтэй 69 хүнийг онцгой байдлынхан олж нисдэг тэргээр үндсэн отог руу хүргэж байгааг бид мэдээлсэн.  Ямартай ч ууланд авирсан 69 хүн бүгд эсэн мэнд олдсон бөгөөд тэдний дотор ЗГХЭГ-ын дарга Ч.Сайханбилэг ч мөн яваа юм байна.Бурхан халдун ууланд саатсан хүмүүсийг бүгдийг нь үндсэн отогт хүргэсэн бөгөөд одоо эхний ээлжийн хүмүүс нисдэг тэргээр Улаанбаатарт ирж байна гэж Онцгой байдлын ерөнхий газраас мэдэгдлээ.
  Цасан шуурганд боогдсоноос ууланд хоносон Ерөнхий сайд осголтын байдалтай байгаа тул нийслэлд эмнэлэгт хэвтүүлэхээр зэхэж байгаа гэнэ. Бусад хүмүүст  Багануурын эмнэлэгт 20 ор бэлдсэн гэж эх сурвалж мэдээллээ. Ямартай ч хоёр хоног сураггүй байсан Ерөнхий сайдын сураг гарлаа. Түүнийг аврахаар нисдэг тэрэг ашигласан бөгөөд нийтдээ  28 сая  400 мянган төгрөг зарцуулсан гэнэ. Нисдэг тэрэг нэг цаг нисэхэд  зардал нь  5,680,000 төгрөг болдог бөгөөд   эрэх, зөөх ажиллагааг дор хаяж таван цаг хийсэн гэж бодоход дээрх төгрөгийг зарцуулсан гэж үзэж байгаа ажээ.

Г.ЭНХТУЯА /WWW.ZONE.MN/