Улаанбаатарт 1967 оны гуравдугаар сарын 15-нд төрсөн Төмөрийн Ариунаа нийслэлийн 52 дугаар дунд сургуульд сурч байхдаа хөгжмийн зохиолч Монгол Улсын Гавьяат багш Л.Галмандахын шавь болж “Нарны дуулал” хамтлагт дуулж байлаа. Анх 15 настай байхдаа “16 нас” гэдэг дуугаа дуулж олны хүртээл болгосон түүхтэй.

10 жилийн дунд сургуулиа төгсөөд “Соёл эрдэнэ” , “Баян Монгол” чуулгад дуулж уран бүтээлийн гараагаа эхэлсэн бөгөөд 1986 онд Болгар улсын дээд сургуулийн эстрадын дуулаачийн ангид сурахаар явж монголчуудад түр мартагдсан. Харин тэр сургуулиа төгсөж ирээд од болох замналаа эхлэж бие даасан уран бүтээлээ 1990-ээд оноос хийж эхэлсэн байдаг.

1996 онд “Мартахгүй”, “Баяртай гэж хэлж чадсангүй”, “Анхны хайр” зэрэг дуутай “Эрос №1” хэмээх анхны цомгоо гаргасан.

“Зөвхөн тэр хайрандаа”, дуучин Маркатай хамтран дуулсан “Үггүй мордсон чи минь”, “Хайрлахын цаана” гэх мэт дуутай “Зөвхөн чиний тухай” цомгоо 1997 онд сонсогчдынхоо гар дээр тавьж байлаа.

Харин 2001 онд жинхэнэ од гэдгээ баталсан “Чи минь” хэмээх цомгоо гаргасны та бид мэднэ. Уг цомогт “Нарны хаан хүүхэд”, “Санааны чимээ”, “Аялгуу чиний увидас”, “Чи минь” зэрэг алдарт дуунууд нь оросн билээ. Ийнхүү од болон гялалзсан Т.Ариунаа НҮБ-ын “Хүүхдийн сангийн” элч дуучин болж өөрийн “Ариун сэтгэл” сангаа урирдаж сууна.  

 Түүний олон уран бүтээл бидний амьдрал, хайр дурлал, анхны болзооны тухай дурсамжийг сэдрээдэг билээ.

Бэлтгэсэн: С.ДОРЖ

эх сурвалж: WWW.ZONE.MN