Сүүлийн үед Крымыг ОХУ-д нэгтгэсэн асуудал олон улсын анхаарлыг татаад байгаа билээ. АНУ тэргүүтэй зарим гүрнүүд энэ явдлыг Украйны тусгаар тогтнолд халдлаа гэж үзэж байгаа бол Оросын улс төрийн нөлөө бүхий эрхмүүд энэ үйлдлийг дэмжин үймээн самуун гаргалгүйгээр түүхэн алхам хийж унтаа байдалд ороод байсан Орос улсыг Путин дахин сэрээж чадлаа хэмээн мэдэгдэж байгаа билээ.

Яг энэ үетэй зэрэгцэн "evrazia.org" сайтад манай улсын тухай нэгэн таагүй мэдээ нийтлэсэн байгааг "SensatsiMedee.mn" сайт "Монголыг Оросод нэгтгэх гэрээнд Ц.Элбэгдорж гарын үсэг зурсан гэжээ" хэмээн  мэдээллэжээ. Уг мэдээнд: Хамгийн ноцтой нь ОХУ-ын Ерөнхийлөгч Дмитрий Медведев болон Монгол Улсын Ерөнхийлөгч Ц.Элбэгдорж нарын хооронд 2012 зурагдсан гэрээний талаар мэдээлсэн байна. Энэхүү гэрээг өчигдөр гэрээ нь Холбооны зөвлөлөөр батлагдаж, Ерөнхийлөгч Владимир Путин гарын үсэг зурлаа” гэжээ.

Харин энэ мэдээллийн талаар Монгол улсын ерөнхийлөгч өөрийн цахим хуудсаараа мэдэгдэхдээ "Ийм зүйл огтхон ч болоогүй, болох ч үгүй. Энэ бол өмнө нь гарч байсан худал зүйл. Манай улсын зохих албаны байгуулагаас өмнө нь үүнд няцаалт хийж зохих байгуулагад мэдэгдэл ч хүргэж байсан. Иймэрхүү эрүүл хүний зүүдэнд ч оромгүй зүйлээр үг хийх хэрэггүй юм.

This is an unabashed outright lie. It never happened and never will. This is not the first time this scam appears.Relevant authorities of Mongolia officially denounced this falsehood by appealing to the pertinent bodies. Such a nonsense that any sober man would never see even in the most eerie night-dream, must be utterly deplored and disregarded" гэсэн байна. 

Эцсийн дүнд Монгол улс бол дэлхийд хүлээн зөвшөөрөгдсөн, НҮБ-ын гишүүн улс билээ. Хэдийгээр хоёр том гүрний дунд байгаа ч эх орноо гэсэн сэтгэлтэй, эрх чөлөөт ард түмэнтэй тусгаар тогтносон улс. Бүх л бүтэн улсын тэргүүн ийм гоомой үйл хэзээ ч хийхгүй байлгүй дээ.

Д.Тамир

WWW.ZONE.MN