Европын Төв банкны захирлуудын зөвлөлийн гишүүн Беноит Коеюре “Евро бүсийн эдийн засаг дараа жилээс өснө” гэж мэдэгдсэн тухай Блүмберг мэдээллээ.
“Евро бүсийн эдийн засгийн өсөлт эхэн үедээ удаан байх хандлагатай ч өөрчлөлт шинэчлэлийн үр дүнд аажимдаа хурдасна” гэж Беноит Коеюре онцолсон байна. Европын Төв банк үнэт цаас худалдах хөтөлбөр эхлэхэд бэлэн гэж тэрбээр хэлсэн бөгөөд банкнаас эдийн засаг, санхүүгийн тогтвортой байдлыг удаан хугацаанд дэмжиж чадна гэсэн аж. Евро бүсийн төсөв одоо их сонирхолтой болсон бөгөөд банкны хөтөлбөр нь богино хугацааны төлөвлөгөө биш юм байна. Европын өрийн хямрал шийдэгдэнэ гэсэн эерэг байр суурьтай байгаагаа Беноит Коеюре илэрхийлсэн юм.

О.СУГАР