Ирэх сарын 1-нээс ахмад настан, хөгжлийн бэрхшээлтэй иргэн, хөгжлийн бэрхшээлтэй хүүхэд үнэ  төлбөргүй зорчдог байсан хуучин үнэмлэхээрээ нийтийн тээврээр зорчихгүй болж байгаа.  Өнгөрсөн оны сүүлээр Нийслэлийн  нийгмийн халамж үйлчилгээний газрын А\08 тоот тушаалын дагуу шинэчилсэн үнэмлэхийн загварыг  баталжээ.

Шинэчилсэн үнэмлэхийн нууцлал нь зүүн доод буландаа 15 мм-ийн наадаг глограмм нууцлал бүхий хороодын мэргэжилтнүүдийн дардастай байх бөгөөд 105 мм х 59 мм-ийн хэмжээтэй, ахмад настан болон хөгжлийн бэрхшээлтэй эсэхээс хамааран өнгө болон ялгаатай сериал дугаарлалтай байх юм.

Загварын дагуу шинэчилсэн үнэмлэхийг  энэ сарын 04-нөөс олгож эхэлсэн бөгөөд дээр нэр дурдсан иргэд ирэх гуравдугаар сарын 1-ний өдрийн хооронд шинэ үнэмлэхээ харьяалагдаж буй хорооноосоо авах хэрэгтэй ажээ.

Г.ЭНХТУЯА /WWW.ZONE.MN/