2017 оны 6 сарын 19
Ойн түймэрт машин дотроо шатацгаажээ

 

Ойн түймэр Португал улсын хувьд жинхэнэ гамшиг болж байгаа аж. Сүүлийн үеийн мэдээллээр, түймрийн улмаас 62 хүн амь үрэгдээд байгаа бөгөөд энэ тоо цаашид улам нэмэгдэх хандлагатай байгаа бололтой.

 

Тус улсын гал унтраагчид дангаараа хүчрэхгүй байгаа учраас хөрш зэргэлдээ орнуудаас тусламж хүсэхэд хүрээд байгаа гэнэ. Галд амь үрэгдсэн хүний тоогоор ч энэхүү түймэр хамгийн томд тооцогдоод байгаа бөгөөд зөвхөн нэг орой 50 гаруй хүн шатаж үхсэн түүх урд хожид сонсож байгаагүй тухай тус нутгийн өндөр настнууд өгүүлж байна.

 

Түймэрт өртсөн хүмүүс маш аймшигтай үхлээр амь үрэгджээ: Тэд ойн замаар машинтайгаа явж байтал гэнэт хоёр талынх нь мод түймэрт автаж, хаашаа ч гарах гарцгүй болсон учраас тэд машин дотроо амьдаараа шатацгаасан аж.

 

Галан занга руу хөтөлдөг автомашины зургаан замыг орон нутгийн эрх баригчид хугацаа алдаж хаасан явдал хүмүүс мэдэлгүй явж амь үрэгдэхэд хүргэсэн бөгөөд одоогоор галд шатсан хүмүүсийн цогцсыг таних ажиллагааг шүүх эмнэлгийнхэн явуулж байгаа тухай Португалийн ерөнхий сайд Антониу Кошта мэдээлжээ.
  

 

Д.Мөрөн

Эх сурвалж: ZONE.MN

АНХААРУУЛГА: Уншигчдын бичсэн сэтгэгдэлд ZONE.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 99941845 утсаар хүлээн авна.
Сэтгэгдлийг ачаалж байна ...