2017 оны 5 сарын 19
Хүнийг хөнөөх чадалтай халуун перец ургуулжээ

 

53 настай фермер Майк Смит санамсаргүйгээр дэлхий дээрх хамгийн хурц аагтай перецийг тариалан ургуулсан байна. Эмч нарын өгүүлснээр, энэхүү “Чөтгөрийн амьсгал” (Devil’s Breath) перецийг залгисан хүн анафилакс шоконд орж нас барах магадлалтай тухай  The Telegraph мэдээлжээ.

 

Devil’s Breath /энэ нэрийг Смит өгсөн юм байна/ перец нь хамгийн аагтай хэмээн албан ёсоор зарлагдсан Carolina Reaper америк перецнээс даруй 200 дахин хүчтэй болохыг Майк Смит анх мэдээд учиргүй ихээр гайхсан аж.

 

 

Түүний өгүүлснээр, энэхүү перецийг тарьж ургуулахад нь Ноттингемийн Их сургуулийн химичид тусалсан гэнэ. Тэд шинэ маягийн нийлэг бордоог фермер эрд өгсөн юм байна.

 

“Би энэ перецнээс өчүүхэн төдийг амсаж үзтэл хэл ам дарвигнан хавдаж, хурц халуун амт нь улам ихсэн, тэсч тэвчихэд бэрхшээлтэй болсон” хэмээн Смит ярьсан байна. Уг перецийг биеийн арьсанд хүргэх тохиолдолд тухайн газар мэдээ алдаж байсан гэнэ. Энэ перецийг хоол хүнсэнд хэрэглэхийг хатуу хориглосон аж.

 

Д.Мөрөн

Эх сурвалж: ZONE.MN

АНХААРУУЛГА: Уншигчдын бичсэн сэтгэгдэлд ZONE.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 99941845 утсаар хүлээн авна.
Сэтгэгдлийг ачаалж байна ...