2013 оны 5 сарын 29
А.Оюунчимэг нотариатчдын холбоог хууль зөрчиж, хуйвалдаанаар толгойлох гэж үү

Булхай будлиангүй сонголт бараг үгүй болжээ. Намууд, төрийн бус байгууллагууд, төрийн албанд ч ялгаагүй  луйвар, хуйвалдаан нүүрлээд удаж байна.  Саяхан Монголын нотариатчдын холбоо хурлаа хийж тэргүүнээ сонгох гэтэл  хууль бус явдал болж төгсөв. Дөрвөн жил тутам тайлангийн хурлаараа тэргүүнээ сонгодог тус байгууллагыг УИХ-ын гишүүн асан Ч.Отгонбаяр толгойлж байсан бөгөөд ээлжит хурлаа хийх үеэр нь  ийм хэрэг манджээ. Түүний өрсөлдөгч нь А.Оюунчимэг гэдэг эмэгтэй байв. Тэрбээр эрх зүйчид, нотариатчдынхаа дунд Ц.Нямдоржийн хүн гэгддэг адтай нэгэн бөгөөд  1997-2009  онд завсаргүйгээр тус байгууллагын толгойд заларч байсан байна. Нотариатын тухай хуулиараа бол нотариатчдын холбооны тэргүүн нь дахиж нэг  удаа улиран сонгогдох эрхтэй байдаг.  Ч.Отгонбаярын хувьд  энэ эрх нээлттэй байжээ. Харин уг сонгуульт  албан тушаалд А.Оюунчимэгийн нэр дэвших эрх  2006 оноор  дуусгавар болсон байв. Нөгөөтэйгүүр, тус холбооны тэргүүн нь багш, эрдэм шинжилгээний ажилтнаас өөр бусад ямар нэг ажил эрхлэх ёсгүй. Гэтэл А.Оюунчимэг нь Арбитрийн шүүгч төдийгүй Монголын Өмгөөлөгчдийн холбооны гишүүн өмгөөлөгчөөр давхар ажиллаж байна.  Ц.Нямдорж Увс нутгийнхаа энэ эмэгтэйг анх нотариатчдын танхим байгуулагдах үеэс  ивээлдээ авч, тийнхүү холбооны тэргүүнээр  он удаан жил ажиллуулж, одоо ч мөн далдуур нөлөөлж,  дахин сонгуулах хор найруулжээ.  Шударга зарчим ийнхүү хөсөр хаягдаж, хуулиа гууль болгож буй ийм увайгүй үйлдлийн  хажуугаар Хууль зүйн сайд Х.Тэмүүжин чимээгүй өнгөрөх эрх бас байхгүй байлтай. Ер нь хууль, эрх зүйн салбарт Ц.Нямдоржийн  хуйвалдааны бүлэглэл амь бөхтэй ноёрхсоор байх уу.

Б.Отгонбаяр

WWW.ZONE.MN

                                                                                                           

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

АНХААРУУЛГА: Уншигчдын бичсэн сэтгэгдэлд ZONE.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 96016988 утсаар хүлээн авна.
Сэтгэгдлийг ачаалж байна ...