2017 оны 4 сарын 21
Олимпийн мөнгөн медальтан ослоор амь алджээ

 

2008 оны Олимпийн өндрийн харайлтын мөнгөн медальтан, 34 настай британи тамирчин Жермейн Мэйсон Ямайкад мотоциклийн осолд орон амь алдсан байна. Тамирчин эр жолоодлогоо алдан, асар хурдтай явж байсан мотоциклээс унан газар дээрээ амьсгал хураасан тухай  Daily Mail мэдээлжээ.

 

 

Тамирчин эрийг амь алдах үед түүнтэй хамт Ямайкийн алдарт гүйгч Усейн Болт, 2008 оны Олимпийн шигшээд Мэйсонтой хамтарч байсан Майкл Фрэйтер нар байсан гэнэ. Олимпийн аваргууд хамтдаа амран, эмгэнэлт явдал болохын өмнөхөн мотоцикл унан явцгааж байсан аж.

 

 

Жермейн Мэйсон Кингстонд төрсөн бөгөөд 2006 он хүртэл Ямайкийн шигшээд байж байгаад хоёр жилийн дараа Бээжингийн Олимпод Британийн шигшээ багийн бүрэлдэхүүнд орж, алтан медалийн төлөө хүч үзэж байсан билээ. 

 

Д.Мөрөн

Эх сурвалж: ZONE.MN

АНХААРУУЛГА: Уншигчдын бичсэн сэтгэгдэлд ZONE.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 99941845 утсаар хүлээн авна.
Сэтгэгдлийг ачаалж байна ...