2017 оны 4 сарын 21
Time сэтгүүл Путиныг ахин онцолжээ

 

Алдартай хэвлэл мэдээллийн хэрэгсэл болох Time сэтгүүл дэлхийн хамгийн нөлөө бүхий 100 хүний жагсаалтыг “Удирдагчид”, “Бүтээгчид”, “Шинийг санаачлагчид”, “Урлаг соёлын зүтгэлтнүүд”, “Шүтээнүүд” гэсэн ангиллаар гаргасан байна.

 

“Удирдагчид” гэсэн ангилалд Оросын Ерөнхийлөгч Владимир Путин, АНУ-ын Дональд Трамп, БНХАУ-Си Зиньпин, Хойд Солонгос-Ким Чен Ун, Филиппин-Родриго Дутерте, Турк-Режеп Таийп Эрдоган, Колумб-Хуан Мануэль Сантос нар оржээ.

 

Мөн энэ ангилалд WikiLeaks-ийг үндэслэгч Жулиан Ассанж, Их Британийн Ерөнхий сайд Тереза Мэй, Ромын Пап Франциск, Microsoft компанийг үндэслэгчдийн нэг Билл Гейтсийн эхнэр Мелинда зэрэг нөлөө бүхий хүмүүсийг Time сэтгүүл оруулсан аж.

 

Владимир Путины тухай тайлбар зүүлтийг хуучнаар ЗХУ-ын экс-ерөнхийлөгч Михаил Горбачев бичсэн бөгөөд тэрээр: “Оросын Ерөнхийлөгч нөхцөл байдлыг тогтворжуулах, төрт байдлаа хадгалан, эдийн засгийн байр суурийг бэхжүүлэхэд ихээхэн зүйлсийг хийж амжуулсан” гэжээ. Өмнө нь Time сэтгүүл хэд хэдэн удаа дэлхийн нөлөө бүхий хүнээр Путиныг онцолж байсан билээ.  

 

Д.Мөрөн

Эх сурвалж: ZONE.MN

АНХААРУУЛГА: Уншигчдын бичсэн сэтгэгдэлд ZONE.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 99941845 утсаар хүлээн авна.
Сэтгэгдлийг ачаалж байна ...