2017 оны 4 сарын 20
Хууль бус бараатай явсан монгол дипломатч саатуулагджээ

 

Өнөөдөр Украины Закарпатск-д их хэмжээний янжуур тамхи тээвэрлэж явсан монгол дипломатчийг саатуулсан тухай Хил хамгаалах албанаас мэдээлсэн байна. Тэнд дурдсанаар, пиг дүүрэн тамхи ачсан микроавтобус Украин-Унгарын хил дээрх Лужанка шалган нэвтрүүлэх хэсэг дээр зогссон аж.

 

 

“Хил гаалийн шалгалтын үеэр уг машины жолооч ихэд нервтсэн маягтай байсан бөгөөд шалгагч нар машиныг нэгжихийг хүсэхэд жолооч бууж, машинаа онгойлгож өгөхөөс татгалзсан. Тухайн үед машин руу очсон албаны нохой шууд мэдэрсэн” хэмээн мэдээлэлд өгүүлжээ.

 

 

Ингээд машиныг түгжээд, шалган нэвтрүүлэх хэсэг рүү цагдаагийнхныг дуудсан байна. Белоруссийн дипломат номертой Мерседес машин дотор Монголын иргэн их хэмжээний тамхийг дипломат шуудангийн хэлбэрээр авч явсан нь шалгалтын явцад илэрчээ.

 

 

Мөрдөн шалгаж ярилцах үеэр уг монгол иргэн өөрийгөө Австрийн дипломат төлөөлөгчийн газарт ажилладаг хэмээн мэдэгдсэн байна. Одоогийн байдлаар илрүүлсэн тамхийг хураагаад байгаа бөгөөд хэдий хэрийн хэмжээтэй, ямархуу үнэ өртөгтэй гэдэг нь тодорхойгүй байгаа аж. 

 

Д.Мөрөн

Эх сурвалж: ZONE.MN

АНХААРУУЛГА: Уншигчдын бичсэн сэтгэгдэлд ZONE.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 99941845 утсаар хүлээн авна.
Сэтгэгдлийг ачаалж байна ...