2019 оны 10 сарын 8
Дэлхийн хамгийн гайхалтай 10 оффисоор хамтдаа аялцгаая

Энэ удаад та бүхэндээ эхний 3 оффисыг танилцуулж байна.

Хэрвээ та оффистоо засвар хийн шинэчлэхээр төлөвлөж байгаа бол танд баяр хүргэе. Та маш зөв шийдвэр гаргасан байна.

Магадгүй та Дэлхийн хамгийн гайхалтай оффисуудтай танилцсанаар таны ажлын байранд тохирох шинэ санааг олж ч магадгүй. Ингээд хамтдаа оффисуудаар хамтдаа зочилцгооё.

1. Охио, Колумбус-Барк компани

Гэрийн тэжээвэр амьтдын бүтээгдэхүүн үйлдвэрлэлээрээ тэргүүлэгч Барк компани нь өөрийн оффисоо тэжээвэр амьтдын диваажин болгосон. Ажилчид нь ажил дээрээ нохойтойгоо ирж болдог бөгөөд хамтдаа өдөржингөө хамт байх бололцоог олгох үүднээс оффисоо ингэж тохижуулсан байна. Тэжээвэр амьтад нь энд унтаж, идэж тоглохоос гадна ажилчдад нь шинэ бүтээгдэхүүний санаа олоход тусалдаг чухал үүрэгтэй байна.

Баркийн оффисийн бүхий л зүйл нохойд ээлтэй байхаар бүтээгдсэн. Жишээ нь:

-  Шал: осол аваар гарахаас сэргийлсэн зөөлөн резин материалтай

-  Гадна талбай: Нохойг салхилуулах гадна талбай томтой

2. Женев, Швейцар-Дижитал Лакшэри Групп

Дижитал маркетингийн компани болох ДЛГ-д хүлээн авах ажилтан байдаггүйгээр барахгүй ажилчдаа ая тухтай байлгах үүднээс ажлын байраа оффис шиг биш байхаар тохижуулжээ. Энэ нь ажилчдаа илүү бүтээлчээр сэтгэн ажилдаа амжилт гаргах бололцоог бүрдүүлсэн. Ерөнхий загвар нь минималист хэв маягтай харин хурал уулзалтын өрөө нь олон янзын хэлбэр, хэмжээтэй  бөгөөд үүлэн хэлбэртэй гэрлийн бүрхүүл нь илүү тав тухтай мэдрэмжийг төрүүлдэг байна.

3. Сан Франциско- Густо

Густо бол старт-ап бизнес эрхлэгчдэд зориулан үүлэн систем дээр суурилсан хүний нөөцийн программ хийдэг компани юм. Густогийн оффис нь дэлхийн 2-р дайнаас хойш усан онгоцны засвар үйлчилгээ хийдэг байсан үйлдвэрийг (Donut Factory, Bait & Tackle) фирмтэй хамтран шинэчилсэн. Мэдээж ажилчдаа ая тухтай байлгах үүднээс доороосоо халдаг шал, төлөвлөгөө бичиж болдог хана, хурал уулзалтын өрөөг олон байхаар шийдэж өгсөн.

Үргэлжлэл бий

АНХААРУУЛГА: Уншигчдын бичсэн сэтгэгдэлд ZONE.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 99941845 утсаар хүлээн авна.
Сэтгэгдлийг ачаалж байна ...