2019 оны 9 сарын 16
Сэтгүүлч М.Уянга, Ж.Жаргалсайхан нарт хоёр сая төгрөг хандивлалаа

Монголын сэтгүүлчдийн нэгдсэн эвлэл /МСНЭ/-ийн Ерөнхийлөгч Х.Мандахбаяр сэтгүүлч М.Уянга, Ж.Жаргалсайхан нарын эмчилгээнд зориулан, хувийн зүгээс тус бүр хоёр сая төгрөг хандивлалаа.

 

Тэрбээр "Үнэний дуу хоолой байх, нийгмээ соён гэгээрүүлэх үйлсийн төлөө цаг наргүй зүтгэдэг сэтгүүлчид маань хөдөлмөрийн хүнд нөхцөлд ажилладаг гэдгийг хүмүүс төдийлөн анзаардаггүй. Сэтгүүлчид маань хараат бус, хариуцлагатай сэтгүүлзүйн төлөө мэргэжлийн ёс зүйгээ сахин ажиллахын зэрэгцээ эрүүл мэнддээ онцгойлон анхаарах нь чухал. Нэг нь нийтийн төлөө, нийт нь нэгийн төлөө гэсэн сайхан сэтгэлээр нөхдөдөө тусламж үзүүлэх хандивын аян өрнүүлж буй сэтгүүлчдэдээ талархаж байна. Хүнд өвчинд нэрвэгдээд байгаа М.Уянга, Ж.Жаргалсайхан нартаа халуун сэтгэлээр туслахыг нийт сэтгүүлчид, хэвлэл мэдээллийн хэрэгслүүддээ уриалъя" гээд МСНЭ-ийн орон нутгийн мэргэжлийн төвийн санаачилгаар сэтгүүлчдээ эрүүл мэндийн үзлэгт үнэ төлбөргүй хамруулах, зарим эмчилгээнд хөнгөлөлт үзүүлэх хөтөлбөр хэрэгжиж эхэлсэн талаар мэдээллээ.

АНХААРУУЛГА: Уншигчдын бичсэн сэтгэгдэлд ZONE.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 99941845 утсаар хүлээн авна.
Сэтгэгдлийг ачаалж байна ...