2019 оны 9 сарын 10
Монгол Улс Тэмээн уралдааны холбоог үүсгэн байгуулагч орны нэг боллоо

Азийн тэмээн уралдааны холбоог үүсгэн байгуулах анхдугаар хурал Арабын Нэгдсэн Эмират улсын Абу Даби хотноо өнгөрсөн зургаадугаар сарын 29-нд болжээ. 

Тус хуралд Азийн 12 улсын төлөөлөл оролцсон бөгөөд Азийн тэмээн уралдааны удирдах дээд байгууллагыг үүсгэн байгуулжээ. Монгол Улсаас Монголын тэмээн соёл, уралдааны холбооны ерөнхийлөгч Р.Сэддорж, дэд ерөнхийлөгч Б.Чандмань нар хуралд оролцож, Б.Чандмань тус холбооны удирдлагын багт ажиллах Гүйцэтгэх зөвлөлийн гишүүнээр сонгогдсон байна. 

Монголын тэмээн уралдааны холбооны төлөөлөгчид Абу Дабигийн Шейх Султан бин Хамдан Эль Нахьянтай албан уулзалт хийж, хэрэгжүүлэхээр төлөвлөж буй цаашдын олон ажил, ялангуяа хоёр бөхтэй тэмээг хамгаалах, уралдааныг өргөн цар хүрээтэй зохион байгуулах зэрэгт хамтран ажиллахаар болжээ. 

Олон улсын тэмээний уралдааны холбоо нь 2018 онд Саудын Араб улсад үүсгэн байгуулагдсан бөгөөд Монгол Улс үүсгэн байгуулагч 14 улсын нэг болсон юм. 

 

АНХААРУУЛГА: Уншигчдын бичсэн сэтгэгдэлд ZONE.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 99941845 утсаар хүлээн авна.
Сэтгэгдлийг ачаалж байна ...