2019 оны 6 сарын 10
АНУ-д ажил горилогчид ажилд орох компаниа сонгохдоо юуг илүү чухалчилж байна вэ?

Өнгөрсөн 2018 онд нийт 547 ажил хайгчдыг хамруулсан “Компаниас ажиллагсдадаа үзүүлэх дэмжлэг, туслалцаануудаас алийг нь илүү хэрэгтэй гэж үздэг вэ” гэсэн судалгааг АНУ-ын Мэргэшсэн нягтлан бодогчдын институт (AICPA)- ээс зохион байгуулжээ.

Судалгаагаар ажил горилогчид эрүүл мэндийн даатгал, цалинтай чөлөө, оюутны зээлийн эргэн төлөлтийн тусламж зэргийг илүүд үздэг нь харагджээ.

Зөвхөн шинэ төгсөгчдийн хувьд авч үзэхэд тэд орох байгууллагаа сонгохдоо оюутны зээлийг эргэн төлөхөд үзүүлэх тусламжийн нөхцөлийг 1-рт авч үзсэн байна.

Судалгааны үр дүнг доорх үзүүлэлтээс харна уу.

Эрүүл мэндийн даатгал                                            - 54 хувь,

Цалинтай амралт, чөлөө                                           - 45 хувь,

Оюутны зээлийн эргэн төлөлтийн тусламж         - 41 хувь,

Гэрээс ажиллах боломж                                           - 38 хувь,

Тэтгэврийн хадгаламж 401(к) хөтөлбөр                 - 36 хувь,

Сургалтын төлбөрийн хөнгөлөлт                            - 25 хувь,

Тэтгэврийн даатгал                                                  -15 хувь,

Хүүхэд асрах чөлөө                                                  - 13 хувийг тус тус эзэлсэн байна.

Шинэ төгсөгчдөд сургалтын төлбөрийн зээлээс нь байгууллага төлөлцөнө гэдэг бол маш том боломж юм. Мөн 401(к) хөтөлбөрт ажиллагсдаа хамруулснаар залуучуудыг аль болох эртнээс мөнгө хуримтлуулж эхэлбэл үр шимийг нь илүү сайн хүртэх болно гэдгийг ойлгуулж байгааг харуулжээ. Түүнчлэн эрүүл мэнд, тэтгэврийн даатгал, амралт, чөлөө, оюутны зээлийн тусламж зэргийн үр дүнгүүд өөр өөр байгаа нь эдгээрийн ирээдүйд үзүүлэх үр өгөөж, ач холбогдлыг ажиллагсад зөвөөр ойлгох хэрэгтэйг харуулж байна гэж судалгааны багийн ажилтан Антони хэлсэн байна.

Өрсөлдөөнт зах зээл дээр ажиллагсдыг татах арга хэрэгслүүдийг илүү хэрэглэдэг компаниуд амжилт олох, үр ашигтай ажиллах, чадварлаг ажиллагсдыг татах магадлал илүүтэй байдгийг судалгааны багийнхан дүгнэсэн байна.

Та ЭНД дарж, илүү дэлгэрэнгүй мэдээллийг авна уу!

 

АНХААРУУЛГА: Уншигчдын бичсэн сэтгэгдэлд ZONE.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 99941845 утсаар хүлээн авна.
Сэтгэгдлийг ачаалж байна ...