2019 оны 6 сарын 10
Номгон суманд уул уурхайн ”Булаг сүүж” ХХК-ийн үйл ажиллагааг зогсоожээ

Өнгөрч амралтын өдрүүдэд УИХ-ын гишүүн Л.Энхболд Өмнөговь аймгийн Номгон сумын малчид, иргэдийг бухимдуулж, хууль журам зөрчиж үйл ажиллагаа явуулж байна гэсэн мэдээлэл, санал хүсэлтийн дагуу Өмнөговь аймгийн Мэргэжлийн хяналтын газрын дарга Д.Мөнхтулга, холбогдох мэргэжилтнүүдийн хамтарсан ажлын хэсэг Номгон сумын нутагт хөрс хуулалтаа эхлүүлээд байсан "Булаг сүүж" ХХК-ийн үйл ажиллагаатай газар дээр нь очин танилцаж, шалгалт хийжээ. Шалгалтаар тус компани уул уурхайн олборлолт, ашиглалт явуулахад баримтлах стандарт шаардлага, бичиг баримтын бүрдэлгүй, хөдөлмөрийн аюулгүй байдлыг хангалгүйгээр хөрс хуулалтаа эхлүүлсэн, мэдээлэл өгөх хариуцах дарга удирдлага, инженерүүд нь ажлын байрандаа байхгүй гэх олон зөрчил дутагдал илэрсэн тул техник тоног тѳхѳѳрѳмжийг нь лацдаж, үйл ажиллагааг нь бүрэн зогсоосон ажээ.

 

АНХААРУУЛГА: Уншигчдын бичсэн сэтгэгдэлд ZONE.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 99941845 утсаар хүлээн авна.
Сэтгэгдлийг ачаалж байна ...