2019 оны 5 сарын 23
Ж.Дамдинцэрэнд хариуцлага тооцож ажлаас нь чөлөөлөхөөр болжээ

Нийслэлийн Засаг даргын хэрэгжүүлэгч агентлаг Соёл, урлагийн газрын дарга Ж.Дамдинцэрэнд хариуцлага тооцуулах шаардлагыг тус газрын зарим харьяа байгууллагын дарга нар түр хороо байгуулан нийслэлийн Засаг дарга бөгөөд Улаанбаатар хотын Захирагч С.Амарсайхан болон НИТХ-ын Дарга, Тэргүүлэгчид, Төлөөлөгчдөд хүргүүлсэн тухай өмнө нь мэдээлж байсан билээ.

Ж.Дамдинцэрэнд хариуцлага тооцуулах шаардлагадаа түүнийг авлигын эсрэг хуулийг зөрчиж хөрөнгө, орлогоо нуун дарагдуулсан, ажлын байрандаа ажилтнаа зодож танхайрсан, хувийн ашиг сонирхлоор төрийн ажилд хандаж удаа дараа зөрчлүүд гаргасан нь түүнд хариуцлага тооцож, ажлаас нь халах хангалттай үндэслэл хэмээн хүргүүлсэн. Тэгвэл баттай эх сурвалжийн мэдээлж буйгаар энэ сарын 21-ний өдөр Ж.Дамдинцэрэнд хариуцлага тооцож ажлаас нь чөлөөлөх болсон тухай Нийслэлийн Засаг даргын Тамгын газраас мэдэгдсэн бөгөөд 24-ний дотор ажлаа хүлээлгэж өгөхийг шаарджээ.

 

АНХААРУУЛГА: Уншигчдын бичсэн сэтгэгдэлд ZONE.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 99941845 утсаар хүлээн авна.
Сэтгэгдлийг ачаалж байна ...