2019 оны 5 сарын 15
“Халуун сэтгэл in Japan” ТББ-аас Нийслэлийн амаржих газруудад хандив гардуулан өглөө

Япон улсад суралцаж, ажилладаг Монголчуудын төлөөлөл болох “Халуунсэтгэл in Japan” ТББ-ын хамт олон эрүүл мэндийн тоног төхөөрөмж, багаж хэрэгслийг хандивлах зорилготой “МИГЭН- Япон хэлнээс орчуулвал миннадэ гэнки буюу бүгдээрээ эрүүл байцгаая” аяны хүрээнд Нийслэлийн Өргөө, Хүрээ, Амгаланамаржих газрууд, ЭХЭМҮТ, Багануур болон Налайх дүүргийн нэгдсэн эмнэлгийнтөрөх тасгуудад нийт таван сая төгрөгний үнэ бүхий багаж хэрэгслийг өнөөдөр /2019.05.15/ хандивлалаа.

 

Энэ удаагийн хандивын үйл ажиллагаа нь гурав дахь жилдээ зохион байгуулагдаж байгаа бөгөөд өмнө хоёр удаагийн үйл ажиллагааны хүрээнд нийт 11 сая төгрөгний үнэ бүхий нярайн судас тодруулагч аппарат, тариурын зүү устгагчаппарат зэргийг нийслэлийн 9 дүүрэг 21 аймгийн нэгдсэн эмнэлгүүд, нарийнмэргэжлийн нийт 42 эмнэлэгт хандивлаж байсан байна.

 

Тус байгууллагын гишүүдийн 90 хувь нь оюутнууд байдаг бөгөөд сургууль, ажилынхаа завсар зайгаар сайн дурын ажил хийж, хоол хийж зарсан орлогоорооэнэхүү аяны санхүүжилтийг төвлөрүүлдэг байна. Тэд хэлэхдээ Японд суралцаж, ажилладаг залуучуудын төлөөлөл бид бүхэн Монгол улсын ирээдүй болсон хүүхдүүд нь эрүүл чийрэг өсч торниж, иргэд нь эрүүл, өөрийн гараар сайхан амьдралыг цогцлоон бүтээж байгаасай хэмээн боддог учраас энэхүү төслийг олон жилийн турш үргэлжлүүлэн хийсээр байхыг хүсдэг гэдгээ хэлсэн юм.

 

АНХААРУУЛГА: Уншигчдын бичсэн сэтгэгдэлд ZONE.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 99941845 утсаар хүлээн авна.
Сэтгэгдлийг ачаалж байна ...