2019 оны 5 сарын 3
Ж.ДАМДИНЦЭРЭНТЭЙ ХОЛБОГДОЛТОЙ ШААРДЛАГЫГ НИТХ-Д ХҮРГҮҮЛЖЭЭ

Нийслэлийн соёл, урлагийн газрын зарим харьяа байгууллагуудын дарга нар түр хороо байгуулан Нийслэлийн Засаг дарга бөгөөд Улаанбаатар хотын Захирагч С.Амарсайханд 2019 оны 02 дугаар сарын 28-ны өдөр шаардах бичиг хүргүүлсэн тухай бид өмнө нь мэдээлж байсан билээ.
Тэгвэл өнөөдөр тус түр хорооноос Ж.Дамдинцэрэнд хариуцлага тооцуулах тухай Хотын даргад хүргүүлсэн шаардлагаа хэлэлцэн шийдвэрлүүлэхээр НИТХ-ын Дарга, Тэргүүлэгчид, Төлөөлөгчдөд ханджээ.
Хотын даргад хүргүүлсэн шаардах бичигт Нийслэлийн соёл, урлагийн газрын дарга Ж.Дамдинцэрэнгийн авлигын эсрэг хуулийг зөрчиж хөрөнгө, орлогоо нуун дарагдуулсан, ажлын байрандаа ажилтнаа зодож танхайрсан зэрэг хэрэг зөрчлүүдийг тодорхой үндэслэл, баримтад тулгуурлан хүргүүлж, хариуцлага тооцож шийдвэрлэж өгөх тухай бичиг хүргүүлжээ.
НИТХ-ын Дарга, Тэргүүлэгчид, Төлөөлөгчдөд хүргүүлсэн хүсэлтийн хариуг 2019 оны 05 дугаар сарын 07-ны өдрийн НИТХ-ын Тэргүүлэгчдийн хурлаар хэлэлцэн шийдвэрлэж тодорхой хариуг түр хороонд ирүүлэхийг хүсчээ
ЭХ СУРВАЛЖ: NEWSMONGOLIA.MN
АНХААРУУЛГА: Уншигчдын бичсэн сэтгэгдэлд ZONE.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 99941845 утсаар хүлээн авна.
Сэтгэгдлийг ачаалж байна ...