2018 оны 12 сарын 21
ӨВӨРХАНГАЙ: ”Хүүхдийн ордон” маргааш нээлтээ хийнэ

Өвөрхангай аймгийн төв Арвайхээр хотод “Хүүхдийн ордон” баригдаж байгаа билээ. "Хүүхдийн ордон"-ы нээлтийг маргааш хийх юм байна. “Хүүхдийн хөгжил, хамгааллын жил”-ийн хүрээнд хүүхэд, багачуудын хөгжил, төлөвшилд үнэтэй хувь нэмэр оруулж, улсын төсвийн 2.0 тэрбум төгрөгийн санхүүжилтээр Арвайхээр хотод “Хүүхдийн ордон” барьжээ. Нийт 2500 м/кв талбай бүхий гурван давхар барилга нь кино театр, урлаг заал, уран зургийн, бүжгийн, хөгжмийн, дууны дугуйлан хичээллэх боломжтой өрөө тасалгаанаас бүрдэх төдийгүй хүүхэд чөлөөт цагаа зөв боловсон өнгөрүүлж, өөрийгөө хөгжүүлэх бүрэн боломжтой юм.

Тус ордонд хүүхдүүдийн авьяас чадварыг нээн хөгжүүлэх бүхий л төрлийн дугуйлан, секц хичээллэнэ. Мөн тэдний хамгааллыг сайжруулах, оролцоог нэмэгдүүлэх, тулгамдсан асуудлыг нь сонсож, шийдвэрлэх төрийн байгууллагын нэгж хүүхдүүдийнхээ дэргэд ажиллах аж. 

 

Т.Амараа

АНХААРУУЛГА: Уншигчдын бичсэн сэтгэгдэлд ZONE.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 99941845 утсаар хүлээн авна.
Сэтгэгдлийг ачаалж байна ...