2018 оны 12 сарын 20
УИХ-ын дарга М.Энхболдын мэдээлэлд үнэн гэж байна уу?!

МАН-ын нэр хүндийг газарт унагаж, шороотой нь хутгасан “60 тэрбум”-ын хэрэгт нэр холбогдож, төрд шургалсан нам дамжсан бүлэглэлийн толгойлогч гэдэг нь илчлэгдсэн УИХ-ын дарга М.Энхболд эрх мэдлээ хадгалж үлдэхийн тулд бүхий л аргыг хэрэглэж байна. Дээр нь, мань эр төрийн албан тушаалыг 60 тэрбум төгрөгөөр үнэлж, наймаалцахыг завдсан бүхэл бүтэн 90 минутын бичлэгийг эвлүүлэг гэж гөжиж, гүрийсээр л байгаа юм.

Гэтэл прокурорын байгууллагаас 60 тэрбумын бичлэг эвлүүлэг биш гэдгийг нь тогтоож, түүнийгээ саяхан олон нийтэд мэдээлсэн байдаг. Бүхэл бүтэн хууль, хяналтын байгууллагаас төрийн албыг 60 тэрбум төгрөгөөр үнэлж, худалдахыг завдсан гэдэг бичлэгийг нь үнэн гэж баталж, ам алдчихаад байхад “Би мэдэхгүй, эвлүүлэг” гэж зүтгэж байгаа нь УИХ-ын дарга М.Энхболдын жинхэнэ дүр төрх гэвэл зохилтой.

Учир нь, УИХ-ын дарга М.Энхболд мэдээлэл хийх үеэрээ хэд, хэдэн зүйлийг онцолжээ. Тэрбээр “Надад МАНАН-тай холбоотой явдал байхгүй”, “Би нэг ч удаа АТГ-т хэн нэгнийг шалга, битгий шалга гэж хэлж, нөлөөлсөн зүйл байхгүй”, “Эрдэнэт үйлдвэрийн 49 хувийг хувьчилсан асуудалд намайг оролцсон, би хааж хамгаалаад байгаа мэтээр ярьж байна. Тийм зүйл байхгүй”, “Худалдаа хөгжлийн банкны хувьчлалтай би холбоогүй”, “АТГ-ын дарга миний хүн биш”, “Би Т.Бадамжунайг Сингапур руу явуулж байгаагүй”, “Надад уул, уурхайн нэг ч лиценз байхгүй” гэх зэргээр байр сууриа илэрхийлжээ.

Харамсалтай нь, УИХ-ын дарга М.Энхболдын онцолсон дээрх үг, өгүүлбэр бүр үнэнээс хол сонсогдож байгааг олон хүн шүүмжилжээ. Энэ нь үнэний ортой ч байж мэднэ. Үнэндээ бүхэл бүтэн хууль, хяналтын байгууллага “МАН-ын 60 тэрбумын бичлэгийг эвлүүлэг биш, төрийн албан тушаалыг наймаалцахыг завдсан нь үнэн, тогтоогдсон” хэмээн мэдэгдээд байхад л “Эвлүүлэг, би мэдэхгүй, ямар ч холбоогүй” гэх зэргээр мэлзээд байгаа нөхөрт яаж ч итгэх билээ. Эндээс харахад УИХ-ын дарга М.Энхболд бол жинхэнэ “цайрчихсан худалч” гэдэг нь ядах юмгүй уншигдаж байх шиг. Түүний мэдээлэлд үнэн гэж байна уу, та минь ээ...

 

 

 

 

 

 

Б.Бат

 

АНХААРУУЛГА: Уншигчдын бичсэн сэтгэгдэлд ZONE.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 99941845 утсаар хүлээн авна.
Сэтгэгдлийг ачаалж байна ...