2018 оны 12 сарын 6
Тендерийн урилга

 

Нийслэлийн эрүүл мэндийн газар

Огноо:  2018 оны 12 дугаар сарын 07-ны өдөр                                                    

Тендер шалгаруулалтын нэр:

Өрхийн эрүүл мэндийн төвийн багийг сонгон шалгаруулах 

Тендер шалгаруулалтын дугаар: НЭМГ/ӨЭМТ/2018-01                                    

Нийслэлийн Эрүүл мэндийн газар нь эрх бүхий тендерт оролцогчоос  Баянзүрх дүүргийн 18 дугаар хороо болон Сонгинохайрхан дүүргийн 18 дугаар хороонд “Өрхийн эрүүл мэндийн тусламж, үйлчилгээ үзүүлэх багийг сонгон шалгаруулах” тендерт оролцох тухай битүүмжилсэн санал ирүүлэхийг урьж байна.

Тендерийн баримт бичгийг /хүсвэл нэмэлт хувийг/ үнэ төлбөргүйгээр татан авах боломжтой бөгөөд тендерт оролцохын тулд эргэж төлөгдөхгүй нөхцөлтэйгээр 50,000 төгрөг, эсхүл түүнтэй тэнцэх хэмжээний чөлөөтэй хөрвөх валютаар цахим тендерийн хураамж төлнө. Тендер нь түүнийг нээсэн өдрөөс эхлэн 45 хоногийн дотор хүчинтэй байна.

Уг үйлчилгээг гэрээ байгуулснаас хойш 2021 оны 12 дугаар сарын 31-ийг дуустал хугацаанд тухайн жил бүрт батлагдсан төсвийн хүрээнд хийж гүйцэтгэх болно.

Тендерийг дараах 2 багцад хуваан зарлаж байгаа бөгөөд багц тус бүрээр тендерийн баталгаа гаргаж ирүүлнэ.

Багцын дугаар

Багцын нэр төрөл, хамаарагдах газар зүйн байршил

2018 онд батлагдсан санхүүжилт

Тендерийн баталгаа /Багцын нийт үнийн дүнгээс 1%-аар тооцов/

Багц 1

Өрхийн эрүүл мэндийн тусламж, үйлчилгээ - Баянзүрх дүүргийн 18 дугаар хорооны хүн амд үйлчлэх

 

103,649,300төгрөг

 

1,036,493 төгрөг

Багц 2

Өрхийн эрүүл мэндийн тусламж, үйлчилгээ - Сонгинохайрхан дүүргийн 18 дугаар хорооны хүн амд үйлчлэх

 

99,877,200 төгрөг

 

998,772 төгрөг

 

Тендерт оролцогч нь Монгол Улсын хуулийн этгээд байх бөгөөд өрхийн эрүүл мэндийн тусламж, үйлчилгээг үзүүлэх боловсон хүчний чадамжтай байх ба үйлчилгээ үзүүлэх тоног төхөөрөмж, багаж хэрэгсэлтэй, хөгжлийн дунд хугацааны стратеги төлөвлөгөөтэй байна.

Төрийн байгууллага, төрийн болон орон нутгийн төсвөөс санхүүждэг төрийн бус байгууллага, төрийн болон орон нутгийн өмчийн оролцоотой аж ахуйн нэгж оролцохыг хориглоно.

 Тендерт оролцогч нь зөвхөн 1 багцад санал ирүүлнэ. 

Тендерийн баталгаа нь 2019 оны 03 дугаар сарын 20-ны өдрийг дуустал хугацаанд хүчинтэй байна.

Тендерийг 2018 оны 12 дугаар сарын 21-ний өдрийн 10 цаг 30 минутаас өмнө Засгийн газрын хэрэгжүүлэгч агентлаг Төрийн өмчийн бодлого, зохицуулалтын газрын цахим худалдан авах ажиллагааны www.tender.gov.mn хаягаар нэвтэрч ирүүлэх ба нээлтэнд оролцох хүсэлтэй тендерт оролцогчдыг байлцуулан тендерийг 2018 оны 12 дугаар сарын 21-ний өдрийн 11 цаг 00 минутад Нийслэлийн Эрүүл мэндийн газрын 901 тоот байранд нээнэ.

 

Гадаадын этгээд тендер ирүүлэх эрхгүй.

Дотоодын давуу эрх тооцохгүй.

Сонирхсон этгээд тендерийн баримт бичиг болон бусад мэдээллийг доорх хаягаар авч болно.

 

                 Улаанбаатар хот, Чингэлтэй дүүрэг, Бага тойруу 15160, Жигжиджавын гудамж 9, Нийслэлийн Төр захиргааны Хангарди ордон, Нийслэлийн Эрүүл мэндийн газар 900 тоот. Захиргаа, төлөвлөлт, хяналт-шинжилгээ, үнэлгээний хэлтэс Б.Одгэрэл. Утас: 70110500

 

 

АНХААРУУЛГА: Уншигчдын бичсэн сэтгэгдэлд ZONE.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 99941845 утсаар хүлээн авна.
Сэтгэгдлийг ачаалж байна ...