2018 оны 11 сарын 7
Үйлдвэрлэл Урлалын политекник коллеж ”Түүхийн сургамж ба ирээдүй” лекц зохион байгууллаа

Монгол Улсын Төрийн соёрхолт, түүхч, доктор Дэмбэрэлийн Өлзийбаатарын "Түүхийн сургамж ба ирээдүй", "Монголын их бүтээн байгуулалтын он жилүүд" сэдэвт лекцүүд 2018 оны арваннэгдүгээр сарын 6, 7-нд МҮЭСТОрдонд болж байна. 

Монгол Улсын тогтвортой хөгжлийн үзэл баримтлал, Төрөөс соёлын үнэт өвийг хадгалах хамгаалах талаар баримтлах бодлого, Үндэсний хөтөлбөрийн зорилтуудыг хангах хүрээнд монгол хүнд эх орноороо бахархах сэдэл тэмүүллийг төрүүлэх, Монголын түүх, соёлын мэдлэгийг нэмэгдүүлэх, олон нийтэд түгээн таниулах, түүнчлэн монгол үндэстний соёл уусан замхрах, өв уламжлал, ёс заншлаа алдах, оюун санаа ядууран доройтох, зөөлөн хүчний бодлогод автахаас сэрэмжлүүлэх зорилгоор Ражив Гандийн нэрэмжит Үйлдвэрлэл, урлалын политекник коллеж /ҮУПК/-иос санаачлан "Түүхийн сургамж ба ирээдүй" сэдэвт лекцийг хоёр дахь удаагаа зохион байгуулж байна.

Энэ удаа "Монголын Их бүтээн байгуулалтын он жилүүд" сэдэвт лекц нэмэгдэж байгаа бөгөөд хоёр өдрийн лекцэнд ҮУПК-ийн багш, ажиллагсад, оюутан суралцагчдаас гадна БХЯ-ны харьяа "Тэмүүжин өрлөг" сургуулийн 100 сонсогч, бусад зочид, төлөөлөгчид уригдан ирж оролцлоо.

Ражив Гандийн нэрэмжит Үйлдвэрлэл Урлалын политекник коллеж нь 1966 оноос эхлэн нийтлэг үйлдвэрлэл, үйлчилгээ, техник технологи, дүрслэх урлагийн олон чиглэлээр тасралтгүй 52 дахь жилдээ сургалтын үйл ажиллагаа явуулж, өнөөдрийн хөдөлмөрийн зах зээлд эрэлттэй, 34 мэргэжлээр зөв төлөвшил, хандлагатай, мэргэжлийн ур чадвартай, бүтээлч, боловсон хүчинг бэлтгэдгээрээ салбартаа манлайлагч сургууль болсон.

ҮУПК-ийг зорин ирж элсэгчдийн тоо жилээс жилд өсөн нэмэгдэж байгаа нь тус сургуулийн явуулж буй үйл ажиллагаа, түүнчлэн МБС-ын салбарын нэр хүнд өсөж, мэргэжилтэй ажилтны үнэ цэн нэмэгдсэний тод илрэл юм.

 
АНХААРУУЛГА: Уншигчдын бичсэн сэтгэгдэлд ZONE.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 99941845 утсаар хүлээн авна.
Сэтгэгдлийг ачаалж байна ...