2018 оны 10 сарын 11
М.Сандаг: Бизнесийг зөвхөн мөнгөний төлөө хийдэггүй

Сошиал сүлжээнд Rapper SaaGa Man хаягаар танигдсан М.Сандаг фэйсбүүк орчинд хэрхэн бизнесээ өргөжүүлж, хэрхэн бага зардлаар олон хүнд мэдээллээ оновчтой хүргэх талаар зөвлөгөө хүргэжээ. Түүнийг бичсэнийг хүргэе. ...Би Монголын зах зээлд бизнес хийж буй залуучууд, ах, эгч, найз нартаа өөрийн чаддаг зүйлээрээ тус болохыг хичээдэг эгэл жирийн монгол залуу. Намайг М.Сандаг гэдэг. Nick name @Rapper SaaGa Man. Сошиал орчинд та хэрхэн бизнесээ өргөжүүлж, бага задралаар олон хүнд мэдээ мэдээллээ оновчтой хүргэх вэ? Үнэнч хэрэглэгчдийг өөртөө татах тал дээр өөрийн зүгээс зөвлөгөө өгч, дэмжиж, хамтарч ажилладаг. Би ийм л ажил хийдэг. Ажилдаа дуртай.

Фэйсбүүк хамгийн хүчтэй хүнд хүрдэг орчин. Та бүхний сайн мэдэх LIVE үнэн бодит, шууд байгаа байдлаараа хүрдэг, ямар нэгэн эвлүүлэггүй, хамгийн үр дүнтэй арга гэдгийг зөвлөмөөр байна. Тийм ч учраас бизнес эрхэлж буй бүх хүн facebook live-г ашиглан өөрийн ашиг орлогоо нэмэгдүүлэхийг хичээдэг. Хүн бүрийн царай зүс, алганы хээ өөр өөр байдагтай адил бусдаас ялгарах ялгарал, онцлог гэдэг зүйл байх хэрэгтэй. Энэ бол Live хийх гэж байгаа таны анхаарах анхны дүрэм. Магадгүй таныг Live хийж байхад эхлээд цөөхөн хүн үзнэ. Тэр дунд таныг доромжлох, муулах хүмүүс ч таарна. Тэд таныг унагаах гэж оролдоно. Гэхдээ таныг юу ч гэж хэлсэн битгий бууж өгөөрэй. Та хүссэн зорилгодоо хүрэхийн тулд хүсээгүй саад бэрхшээлийг даван туулах чадвартай байх хэрэгтэй.

Бизнесийг зөвхөн мөнгө олох гэж хийдэг гэвэл энэ буруу ойлголт. Эхнэр бид хоёр үсчин, гоо сайхны салонтой. Бид хоёр энэ бизнесээ зөвхөн мөнгөний төлөө хийдэггүй. Бусдыг идэх хоолтой, өмсөх хувцастай байлгах гэж, хэн нэгэнд сайхан амьдрал өгөх гэж, ажлын байр бий болгох гэж эхлүүлсэн. Тийм ч учраас би бизнес хийж байгаа хүмүүстэй хамтарч ажиллах дуртай. Өөрийн чаддаг өчүүхэн авьяасаа ашиглан олон хүмүүсийг баярлуулж байгаа, гэгээлэг ажил хийж байгаа гэж бид өөрсдөдөө урам өгдөг. 

 

АНХААРУУЛГА: Уншигчдын бичсэн сэтгэгдэлд ZONE.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 99941845 утсаар хүлээн авна.
Сэтгэгдлийг ачаалж байна ...