2018 оны 9 сарын 3
Их мастер А.Энхтуул 41 хүнтэй тоглож, 36 хүнийг хожжээ

“Шатрын зэрэг тоглох өдөрлөг”-ийг Соёл амралтын “Зайсан Хилл” цогцолбор энэ жил хоёр дахь удаагаа амжилттай зохион байгууллаа.

“Оюуны Ундраа Групп” ХХК, Соёл амралтын Зайсан Хилл цогцолборын санаачлагаар оюуны спортыг хөгжүүлэх зорилгоор Олон Улсын Шатрын Их Мастер А. Энхтуултай хамтран энэхүү өдөрлөгийг өчигдөр буюу энэ сарын 2-нд хийсэн юм. Тус өдөрлөгт шатар сонирхогч иргэд болон шатрын спортоор хичээллэгчид цугларч нэг өдрийг оюунлагаар өнгөрүүллээ.

Их мастер А.Энхтуул нийт 41 хүнтэй тасралтгүй 4 цаг 30 минут тоглохдоо 36 хүнийг хожиж, 3 хүнтэй тэнцэж, 2 хүнд хожигдсон. Хүрэлцэн ирсэн 41 шатрын спорт сонирхогчдын дундаас хамгийн балчир нь 5 настай байсан бол хамгийн ахмад нь 62 настай иргэн байлаа.

Энэхүү өдөрлөг нь 2016 оны наймдугаар сараас эхтэй бөгөөд жил бүр уламжлал болон зохион байгуулагдах юм.

 

 

 

АНХААРУУЛГА: Уншигчдын бичсэн сэтгэгдэлд ZONE.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 99941845 утсаар хүлээн авна.
Сэтгэгдлийг ачаалж байна ...