2018 оны 3 сарын 12
”Хурд” хамтлаг ээлжит тоглолтоо “Цэргийн Бодол” дууныхаа 40 жилд зориулжээ

 

Монголын ард түмэнд тэр дундаа монгол эрчүүдийн дунд 40-н жилийн турш хит болон эгшиглэсэн алдарт “Цэргийн Бодол” дуундаа хүндэтгэл үзүүлж, "Хурд" хамтлаг хүндэтгэлийн тоглолтоо хийхээр болжээ. “Хурд” хамтлагийн уран бүтээлчдийн хамгийн том ах буюу Д.Ганболд тэртээх 1978 онд цэрэгт байхдаа үг, аяыг нь зохиож дуу болгон эгшиглүүлснээс хойш хэдийнээ 40-н жил болжээ.

  

Монголын рок попын урлагт 25-н жилийн турш сонсогчдыг байлдан дагуулсаар ирсэн "Хурд" хамтлаг, энэ жил тохиож буй ойдоо зориулан хэд хэдэн удаагийн тоглолтыг төлөвлөсөн бөгөөд хамгийн эхний тоглолт нь өнгөрсөн 03-р сарын 08-нд эмэгтэйчүүдийн баяраар бүх сайхан бүсгүйчүүддээ зориулсан "Бүсгүй" тоглолт байсан. Тэгвэл тус хамтлагийн ээлжит тоглолт нь Цэргийн Бодол дууныхаа 40-н жилд хүндэтгэл үзүүлж, ийнхүү 03-р сарын 17-нд Улаанбаатар паласт 19:00 цагаас ганцхан удаа тоглохоор болжээ.

  

Тоглолтонд "Хурд" хамтлагийн үе үеийн шилдэг хит дуунууд эгшиглэх бөгөөд эрчүүдийнхээ баярт нь зориулан тоглож байгаагаараа онцлог юм. Ийнхүү “Цэргийн Бодол” дууны хүндэтгэлийн тоглолтын тасалбарыг www.ticket.mn сайт болон 19001950 утсаар үнэгүй хүргүүлэн авах боломжтой бөгөөд тоглолтын талаарх дэлгэрэнгүй мэдээллийг 99139933 дугааруудаар лавлаарай.

 

 

АНХААРУУЛГА: Уншигчдын бичсэн сэтгэгдэлд ZONE.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 99941845 утсаар хүлээн авна.
Сэтгэгдлийг ачаалж байна ...