2018 оны 3 сарын 7
Монгол брэндийг дэлхийд гаргахын төлөө санамж бичиг байгууллаа

 

“Монгол Брэнд Холбоо” ТББ-аас МОНГОЛ БРЭНД төслийг санаачилж, “Монголын Үндэсний Маркетингийн Холбоо” төслийг хэрэгжүүлэхээр боллоо. Энэ дагуу өнөөдөр “Монголын Үндэсний Маркетингийн Холбоо” ТББ-ын Удирдах Зөвлөлийн дарга Ж.Золзаяа, “Монгол Брэнд Холбоо” ТББ-ын Тэргүүн Ш.Отгон-Өлзий нар харилцан ойлголцлын санамж бичигт гарын үзэг зурлаа.

Монгол Улсын  оюуны үнэт зүйл, соёлын өвийг дэлхийд сурталчлах, дотоодод үйлдвэрлэгдэж буй бараа бүтээгдэхүүнийг олон улсын зах зээлд таниулах, дэлхийн зах зээлд Монгол брэнд бий болгоход дэмжлэг үзүүлэх зорилгоор хамтын ажиллагааны гэрээ байгуулан ажиллахаар энэхүү харилцан ойлголцолын санамж бичгийг байгуулж байна.

  1. Санаачлагч талын хэрэгжүүлсэн www.mongolbrand.mn цахим хуудас,
     МОНГОЛ БРЭНД төсөл хөтөлбөрийн менежмент, маркетинг, зохион байгуулалтын ажлыг Хэрэгжүүлэгч тал удирдан явуулна.
  2. Уг ажлыг гүйцэтгэхтэй холбоотой оюуны өмч, холбогдох бичиг баримт, эрх үүргийг Санаачлагч тал Хэрэгжүүлэгч талтай “Удирдлага менежментийн гэрээ” байгуулан  шилжүүлнэ.
  3. Санаачлагч талын өмнө хэрэгжүүлсэн төсөл хөтөлбөрийг улам баяжуулах, шинэчлэн сайжруулж, шинэ менежмент, шинэ арга барилаар үргэлжлүүлнэ.
  4. Хамтын ажиллагаатай холбогдон гарах зардал, ашиг орлогыг харилцан тохиролцож гаргаж, хувиарлана.
  5. Талууд “Удирдлага менежментийн гэрээ” байгуулсны дараа дээрх эрх үүргүүд нь албан ёсоор баталгаажина.

АНХААРУУЛГА: Уншигчдын бичсэн сэтгэгдэлд ZONE.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 99941845 утсаар хүлээн авна.
Сэтгэгдлийг ачаалж байна ...