2018 оны 3 сарын 12
Дэлхийн сэтгүүлчид Солонгосын хойгийн энх тайвны төлөө ТУНХАГЛАЛ гаргалаа

 

 

Дэлхийн сэтгүүлчид Солонгосын хойгийн энх тайвны төлөө ТУНХАГЛАЛ гаргалаа

"Дэлхийн сэтгүүлчдийн чуулга уулзалт 2018” БНСУ-ын Нийслэл Сөүл хотноо байрлах Солонгосын хэвлэлийн төвд 3 дугаар сарын 5-ны өдөр эхэлсэн. Чуулга уулзалтанд 46 орны 70 гаруй сэтгүүлчид оролцож таван өдрийн турш чууллаа. МСНЭ-ээс МСНЭ-ийн Хяналтын зөвлөлийн гишүүн, Олон улсын сэтгүүлчдийн холбооны Жендерийн зөвлөлийн УЗ-ийн гишүүн С.Алтанцэцэг, МСНЭ-ийн Менежер Б.Мөнхбаяр, МУСГЗ, Азийн сэтгүүлчдийн холбооны тэргүүн Дэд Ерөнхийлөгч Д.Чулуунбаатар нар оролцож дэлхийн сэтгүүлчидтэй дуу хоолойгоо нэгтгэв. 

 

"Дэлхийн сэтгүүлчдийн чуулга уулзалт 2018"-аас Солонгосын хойгийн энх тайвны төлөө тунхаглал гаргалаа.

Дэлхийн сэтгүүлчид Солонгосын хойгт энх тайвны төлөө ТУНХАГЛАЛ 

"Пёнчан-2018" өвлийн олимпд хойд Солонгос оролцсоноор хоёр Солонгосын эмэгтэй хокэйчид хамтран тоглосныг дараагаар Өмнөд, хойд Солонгосын хооронд өндөр дээд хэмжээний яриа хэлэлцээр явагдсан нь Солонгосын хойгт энх тайвны төлөө хамтран ажиллах эвлэрлийн үндсийг тавьсан онцлох үйл явдал болон тэмдэглэгдлээ. Yүнтэй уялдуулан 50 орны 70 сэтгүүлчид оролцсон "Дэлхийн сэтгүүлчдийн чуулга уулзалт 2018" -аас Урин хавар Солонгосын хойгт энх тайвныг авчирлаа хэмээн бэлэгшээж Тунхаглал гаргалаа.           
 1. Солонгосын сэтгүүлчдийн холбооны зохион байгуулсан "Дэлхийн сэтгүүлчдийн чуулга уулзалт-2018" -д оролцсон сэтгүүлчид Солонгосын хойгт цөмийн зэвсэггүй энх тайван тогтоох нь дэлхий дахины энх тайвны үйлст шууд холбоотой болохыг ухамсарлаж үүний төлөө хамтран тэмцэхээ илэрхийллээ.                   
 2. Бид хоёр Солонгос хоорондын яриа хэлэлцээрийн хөгжил дэвшлийг хүчтэй дэмжиж Дэлхий нийтийн бүх үндэстэн, хөрш орнууд түүний дотор АНУ, Хятад, Япон, Орос зэрэг орныг дипломат замаар Солонгосын хойгт аюулгүй байдал энх тайвныг тогтоохын төлөө хүчин зүтгэл гаргахыг уриалж байна.                                             
 
2018 оны 3 дугаар сарын 10-ны өдөр Дэлхийн Сэтгүүлчдийн Чуулга Уулзалтанд оролцогсод
 

Дэлхийн сэтгүүлчид Солонгосын хойгийн энх тайвны төлөө ТУНХАГЛАЛ гаргалаа

 

 

АНХААРУУЛГА: Уншигчдын бичсэн сэтгэгдэлд ZONE.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 99941845 утсаар хүлээн авна.
Сэтгэгдлийг ачаалж байна ...