2018 оны 1 сарын 11
Хүнс, хөдөө аж ахуй, хөнгөн үйлдвэрийн салбарт 11 үндэсний хөтөлбөр хэрэгжинэ

УИХ-ын Байгаль орчин, хүнс, хөдөө аж ахуйн Байнгын хорооны дарга Л.Элдэв-Очир болон байнгын хорооны гишүүд ХХААХҮЯ-ны үйл ажиллагаатай танилцаж, УИХ-аас батлагдсан хууль тогтоомжийн хэрэгжилт, шинээр батлуулахаар хэлэлцүүлгийн шатанд яваа хуулийн төслүүдийн талаар мэдээлэл сонслоо.

 

Энэ үеэр УИХ-ын гишүүн, Засгийн газрын гишүүн, ХХААХҮ-ийн сайд Б.Батзориг салбарын бодлого, зорилт, хэрэгжүүлж байгаа үйл ажиллагааныхаа талаар товч танилцуулга хийж, салбарын эрх зүйн таатай орчныг бүрдүүлэх ажлын хүрээнд Засгийн газрын хуралдаанаар хэлэлцүүлж, УИХ-д өргөн мэдүүлэх найм, шинээр боловсруулах зургаан хуулийн төсөл, 2018 онд хэрэгжүүлэх 11 үндэсний хөтөлбөрөө нэгбүрчлэн танилцуулсан юм. ХХААХҮ-ийн салбарын хүрээнд дараах  хууль эрхзүйн баримт бичгүүдийг боловсруулан батлуулахаар бэлтгэл ажлыг хангаж байгаа юм. Үүнд,

Салбарын эрх зүйн таатай орчинг бүрдүүлэх ажлын хүрээнд:

Засгийн газрын хуралдаанаар хэлэлцүүлж, УИХ-д өргөн мэдүүлэх хуулийн 8 төсөл:

  • Малын генетик нөөцийн тухай, Мал, амьтны эрүүл мэндийн тухай хуулийн хрээгжилтийг хангахад дагалдах 4 хуулийн төсөлд нэмэлт, өөрчлөлт;
  • Таримал ургамлын үр сортын тухай хуулийн шинэчилсэн найруулгын төсөл;
  • НҮБ-ын ХХААБ-ын “Хүнс, хөдөө аж ахуйн Ургамлын генетик нөөцийн олон улсын гэрээ”-нд Монгол улс нэгдэн орсныг соёрхон батлах тухай хуулийн төсөл
  • Бэлчээр хамгаалах тухай болон дагалдах хуулийн төсөл;
  • Хоршооны тухай хуулийн шинэчилсэн найруулгын төсөл;

Шинээр боловсруулах хуулийн 6 төсөл:

  • Зохицуулах үйлчилгээтэй хүнсний тухай хуулийн төсөл;
  • Тариалангийн даатгалын тухай хуулийн төсөл;
  • Жижиг, дунд үйлдвэрийн тухай  хуулийн шинэчилсэн найруулгын төсөл;
  • Хөдөө аж ахуйн нэвтрүүлэх үйлчилгээний тухай хуулийн төсөл;
  • Хүнсний тухай хуульд нэмэлт, өөрчлөлт оруулах тухай хуулийн төсөл;
  • Худалдааны тухай хуулийн төсөл.

Шинээр боловсруулж батлуулан хэрэгжүүлэх үндэсний 11 хөтөлбөр:

  • “Малын эрүүл мэнд” хөтөлбөр;
  •  “Үйлдвэржилт 21:100” хөтөлбөр;
  •  “Ноолуур” хөтөлбөр
  •  “Жижиг, дунд үйлдвэрийг дэмжих” хөтөлбөр;
  •  “Эрчимжсэн мал аж ахуйн хөгжлийг дэмжих” хөтөлбөр;
  •  “Эрүүл хүнс, эрүүл монгол хүн” хөтөлбөр;
  •  “Малын эмийн үлдэгдлийг хянах” хөтөлбөр;
  •  “Монгол малчин” хөтөлбөр;
  •  “Хоршоог хөгжүүлэх” нийгмийн хэмжээний хөтөлбөр;
  •  “Ахуй үйлчилгээний салбарыг хөгжүүлэх” хөтөлбөр;
  •  “Мэргэжилтэй ажилтан” хөтөлбөр багтаж байгаа юм.

УИХ-ын гишүүн, Байгаль орчин, хүнс, хөдөө аж ахуйн байнгын хорооны дарга Л.Элдэв-Очир ХХААХҮЯ-наас хийж хэрэгжүүлж байгаа болон хууль эрхзүйн хүрээнд боловсруулж байгаа хуулийн төсөл, шинээр батлагдсан хоёр хуультай холбогдуулан санал хэлж, байр сууриа илэрхийллээ. Тэрбээр “Шинээр өргөн барих зургаан хуулийн төслийг УИХ Дэгийн тухай хуульд заасны дагуу хэлэлцээд явна. Өргөн барих эдгээр хуулийн төслийн найруулга, үзэл санаа, чанарт онцгой анхаарах хэрэгтэй. Өнгөрсөн онд Малын генетик нөөцийн тухай, Мал, амьтны эрүүл мэндийн тухай хуулийг баталсан. Энэ хоёр хууль 2018 оны зургаадугаар сарын 01-нээс хэрэгжиж эхэлнэ. Иймээс хуулийг сурталчлах, хэрэгжүүлэхэд анхаарч, бэлтгэл ажлыг хангах нь зүйтэй” гэлээ. Түүнчлэн Төрийн болон орон нутгийн өмчийн хөрөнгөөр бараа, ажил үйлчилгээ худалдан авах тухай хуульд өөрчлөлт оруулах саналыг хэлж, яамны зүгээс ажлын хэсэг байгуулж ажиллахыг хүслээ. Энэ үеэр УИХ-ын гишүүд сонирхсон асуултдаа хариулт авч, санал бодлоо мөн илэрхийлсэн юм.

Онцлох, олны анхаарлын төвд байгаа мэдээ мэдээллийг хүлээн
авахыг хүсвэл манай Фэйсбүүк мессенжерт холбогдоорой!

 

АНХААРУУЛГА: Уншигчдын бичсэн сэтгэгдэлд ZONE.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 99941845 утсаар хүлээн авна.
Сэтгэгдлийг ачаалж байна ...