2017 оны 11 сарын 14
Роналду “Реал”-ыг орхихоор шийджээ

 

Дэлхийн хамгийн үнэ цэнэтэй хөлбөмбөгчдийн нэгд зүй ёсоор тооцогддог Криштиану Роналду 2017/18 улирлын сүүлчээр “Реал” клубээ орхихоор шийдсэн байна. Энэ тухай өнөөдөр El Chiringuito мэдээлжээ.

 

Португалийн алдартай хөлбөмбөгч өөрийн энэхүү хүсэл зоригийн талаар тус клубын ерөнхийлөгч Флорентино Перест аль хэдийн мэдэгдсэн хэдий ч нөгөөх нь түүнийг ойрын үед явуулахыг төдийлөн хүсэхгүй байгаа бололтой.

 

 

Энэ улирлын тоглолтод Роналду нийтдээ 13 тэмцээнд оролцон 8 гоол оруулсан бөгөөд “Реал” клубтэй хийсэн гэрээ нь 2021 оны зун хүртэл үргэлжлэх ёстой юм байна.

 

Роналду “Реал”-д 2009 оноос хойш тоглож байгаа бөгөөд өмнө нь “Манчестер Юнайтед”-ийн бүрэлдэхүүнд байсан юм. Английн клуб португал хөлбөмбөгчин залууг 80 сая паунд буюу тухайн үеийн ханшаар 93 сая еврогоор зарсан нь түүнийг дэлхийн хамгийн үнэтэй хөлбөмбөгчнөөр тодруулсан билээ. 

 

Cristiano Ronaldo Top 50 Goals 2004-2013

 

 

Д.Мөрөн

Эх сурвалж: ZONE.MN

АНХААРУУЛГА: Уншигчдын бичсэн сэтгэгдэлд ZONE.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 99941845 утсаар хүлээн авна.
Сэтгэгдлийг ачаалж байна ...