2017 оны 11 сарын 14
Робот - цагдаа нар жолооны шалгалт авна

 

БНХАУ-ын нэгэн том хотод жолооны эрх олгох шалгалтыг зөвхөн робот шалгагч багш нар авах зориулалттай цагдаагийн хэсэг байгуулах аж. Тэнд мөн тээврийн хэрэгслүүдийн дугаарыг бүртгэх бөгөөд уг хэсэг нь өдөр бүр 24 цагаар ажиллах тухай  The Next Web мэдээлжээ.

 

Жолооны эрх авах шалгалтыг тусгай зориулалтын жолоодох төхөөрөмжийн тусламжтайгаар өгөх бөгөөд үйлчлүүлэгчид тэнд бичиг баримтаа шалгуулах хэрэггүй юм байна. Робот-цагдаа нар хүний нүүрийг таних Face ID технологийн тусламжтайгаар хэрэглэгчдийнхээ мэдээллийг авах гэнэ.

 

 

Энэхүү төслийн үр дүн бодитоор гарна гэдэгт санаачлагчид нь итгэл төгс байгаа аж. Дашрамд дурдахад, Дубай хотод робот-цагдаа нар гудамжинд эргүүл хийж эхэлсэн, мөн АНУ-д нэг робот-цагдаа усан оргилуурт унаж живсэн тухай өмнө нь мэдээлж байсан билээ. 

 

Д.Мөрөн

Эх сурвалж: ZONE.MN

АНХААРУУЛГА: Уншигчдын бичсэн сэтгэгдэлд ZONE.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 99941845 утсаар хүлээн авна.
Сэтгэгдлийг ачаалж байна ...