2017 оны 11 сарын 14
Халамжийн тэтгэмж авахын тулд хүүхдээ “хөгжлийн бэрхшээлтэй” болгон хувиргажээ

 

Магаданд орон нутгийн оршин суугч, нэгэн эмэгтэйг баривчлан саатуулсан байна. Түүнийг нийгмийн халамжийн тэтгэмж авахын тулд өргөмөл хүүхдээ хэдэн жилийн турш өлсгөн зовоож байсан хэмээн буруутгаж байгаа аж.

 

2008 оны сүүлч үеэр уг эмэгтэй хөгжлийн бэрхшээлтэй иргэдийг хамгаалах тухай Оросын хуулинд тусгагдсан нийгмийн халамжийн тэтгэмжүүдийг хүртэх талаар хорон арга сэдэж олсон байна. Ингээд бага насны өнчин хүүхэд үрчилж авахаар нөхрөө ятган зөвшөөрүүлж чадсан гэнэ.

 

Дараа нь тэрээр өргөж авсан хүүхдээ зориуд системчилсэн байдлаар өлсгөж, хүүхдийг өвчтэй мэт харагдуулахын тулд тусгай эм хэрэгслүүд хэрэглэж эхэлсэн байна. Үүний үр дүнд 2010 онд уг хүүхэд нэг жилийн хугацаатай тахир дутуугийн группт хамрагдан, үүнтэй холбоотойгоор нийгмийн халамжууд авч эхэлжээ.

 

Уг хүүхдийг ийнхүү “хөгжлийн бэрхшээлтэй” мэт байлгахын тулд долоон жилийн турш өлсгөлөнгийн байдалтай байлгасны улмаас өргөмөл хүү хэт тураалын өвчинд нэрвэгдсэн байна.

 

Энэхүү өргөж авсан ээж өөрийн шунахайн сэдэлттэй үйлдлүүдээрээ хүүхдийн эрүүл мэндэд ноцтой хор хөнөөл учруулсан нь мөрдөн шалгах явцад тогтоогдсон бөгөөд мөдхөн шүүхээр орж шийтгэлээ хүртэхээр болсон аж.

 

Д.Мөрөн

Эх сурвалж: ZONE.MN

АНХААРУУЛГА: Уншигчдын бичсэн сэтгэгдэлд ZONE.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 99941845 утсаар хүлээн авна.
Сэтгэгдлийг ачаалж байна ...