2017 оны 10 сарын 13
Дайны үеийн Солонгос улсад Монголчууд хэрхэн туслаж байсан бэ

Солонгосын дайны үе. Улаанбаатар хот 1950 он

БНМАУ хэдийгээр энэ дайнд оролцоогүй боловч улс төр-үзэл суртлын холбоотон улс болохын хувьд дэлхийн хоёрдугаар дайны үед ЗХУ-д тусалж байсны нэгэн адил дайны үеэр болон дайны дараах сэргээн босголтын үед Солонгосын ард түмэнд туслах хөдөлгөөн өрнөж, 43924 адуу, 9094 үхэр, 173270 хонь, ямаа нийт 226236 толгой малыг буцалтгүй тусламжаар нийлүүлсэн. Мөн мах болон хүнсний бусад бүтээгдэхүүн 7320 тн, дулаан хувцас 129 мянган хос, улаан буудай 5000 тн-ыг тус тус бэлэглэж, 200 өнчин хүүхдийг 8 багшийн хамт 1952-59 онд асран хүмүүжүүлж, 30 оюутныг өөрийн их, дээд сургуульд сургасан байна.

1959 онд Японд суугаа солонгос иргэдэд 15000 төгрөгийн тусламж үзүүлж байжээ.1950 онд БНАСАУ-д БНМАУ-ын ЭСЯ нээгдэж, 1950-1952 онд элчин сайдаар Ж.Самбуу, 1952-1955 онд генерал С.Равдан нар томилогдож, дайны үед монголчууд тэнд ажиллаж байсан юм. Манай дипломатууд Америкийн нисэх хүчний бөмбөгдөлтөнд нэг бус удаа өртөж, элчин сайд С.Равдан дэлбэрэлтийн улмаас бэртэж, өрөөсөн чих нь сонсголгүй болж байжээ. Азаар хүний амь үрэгдээгүй байна.

 

 

 

Ж.Сондор

Эх сурвалж : ZONE.MN

АНХААРУУЛГА: Уншигчдын бичсэн сэтгэгдэлд ZONE.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 99941845 утсаар хүлээн авна.
Сэтгэгдлийг ачаалж байна ...