2017 оны 10 сарын 12
Өрсөлдөгч багийнхан руу биеэ үнэлэгчид илгээн хорлохыг оролджээ

 

2018 оны Дэлхийн хөлбөмбөгийн аварга шалгаруулах тэмцээнд оролцох багуудын сорилт явагдаж байгаа билээ. Парагвай, Венесуэлийн шигшээ багийн тоглолт эхлэхийн урд орой тамирчдын байрлаж байсан зочид буудалд хачирхалтай үйл явдал болжээ.

 

Венесуэлийн дасгалжуулагч Рафаэль Дудамелийн өгүүлснээр, нэлээн орой  болсон хойно тэдний багийнхан байрлаж байсан зочид буудлын өрөөнүүд рүү баахан биеэ үнэлэгч бүсгүйчүүд хүрч ирсэн гэнэ.

 

Тэднийг Парагвайн багийн хөгжөөн дэмжигчид илгээсэн бөгөөд зочдоо баясгах, бас шийдвэрлэх тоглолтын өмнө тэдний хүч чадлыг тарамдуулахыг хүссэн бололтой. Гэвч тэд мэргэжлийн хөлбөмбөгчид учраас тэдгээр бүсгүйчүүдийн өдөлтийг огтхон ч тоогоогүй аж. “Энэ бол моодноос гарсан хуучин арга” гэж дасгалжуулагч эр өгүүлсэн байна. 

 

Д.Мөрөн

Эх сурвалж: ZONE.MN

АНХААРУУЛГА: Уншигчдын бичсэн сэтгэгдэлд ZONE.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 99941845 утсаар хүлээн авна.
Сэтгэгдлийг ачаалж байна ...