2017 оны 10 сарын 12
Дөрвөн настай хүү өвөөгөө санамсаргүй буудан хөнөөжээ

 

АНУ-д дөрвөн настай хүү өвөөгөө санамсаргүй буудан хөнөөсөн хэрэг гарсан байна. Тэрээр уг бууг өвөөгийнхөө машины арын хайрцаг дотроос олсон аж.

 

Энэхүү эмгэнэлт явдал энэ сарын 8-нд Хойд Каролина мужийн Элизабет-сити хотын захад тохиолдсон тухай  New York Post мэдээлжээ. 57 настай Дэнни Патрик хотын захад ач хүүтэйгээ хамт зугаалангаа буудлага хийхээр гарсан байна.

 

Ингээд түүнийг цэц, овоо хараагаа шалган буудаж байх зуур ач хүү нь арын хайрцаг дотроос бас нэгэн буу олж, санаандгүй гохыг нь дарчихжээ. Харамсалтай нь, буу цэнэгтэй байж.

 

Сум өвөөгийнх нь нүүрэнд тусан, газар дээрээ нас барсан байна. Айж сандарсан бяцхан хүү ойролцоох байшин руу гүйж хүрээд юу тохиолдсоныг ярьсан бөгөөд гэрийн эзэд цагдаа дуудсан аж.  

 

 

Д.Мөрөн

Эх сурвалж: ZONE.MN

АНХААРУУЛГА: Уншигчдын бичсэн сэтгэгдэлд ZONE.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 99941845 утсаар хүлээн авна.
Сэтгэгдлийг ачаалж байна ...