2017 оны 10 сарын 12
Эмч нар хагалгааны марлиа гэдсэн дотор нь мартсанаас болж амиа алджээ

 

Краснодарын оршин суугч бүсгүй тэндхийн эмч нарыг ээжийнхээ үхэлд буруутгаж байгаа аж. Түүний ээжид хагалгаа хийх үедээ эмч нар гэдсэн дотор нь томоохон хэмжээний марль үлдээснээс болж хайрт ээж нь аймшигтай зовж тарчилж байгаад амь алдсан байна.

 

“Нас барахын өмнө ээж маань хүчтэй өвдөлтөөс болж эвхрэн, байнга огиулж байсан учраас юу ч ууж, идэж чадахаа байсан. Ингээд бидний нүдэн дээр яс арьс болтлоо турж эцсэн. Сүүлийн долоо хоногт бол аймшигт тарчлалтаас болоод ээж маань амьд явахыг ч хүсэхээ больсон. Бид үүнийг хараад аюултай хорт хавдар гэж таамаглаж байсан боловч нас барсных нь дараа задлан шинжилгээний дүн гарахад үнэхээр шоконд орсон. Ээжийн маань гэдсэн дотроос илжирч муудсан том хэмжээний марль гарч ирсэн” хэмээн талийгаач Ирина Ковалёвагийн охин Алёна ярьжээ.

 

 

56 настай ануухан ээжийгээ цаг бусаар алдаж, зовлон гунигт нэрвэгдсэн бүсгүй ээжид нь хагалгаа хийсэн эмч нарыг бүгдэд буруутай гэдгийг батлахыг хүсч байгаа аж.

 

 

Түүний ээж Хабаровскт амьдардаг байсан бөгөөд ходоод нь өвдлөө гэхээр нь Алёна түүнийг Алс Дорнодоос Краснодарт эмчлүүлэхээр авчирсан гэнэ. Тэндхийн эмнэлгийн үйлчилгээг Хабаровскаас хавьгүй илүү байх гэж бүсгүй үзсэн бололтой.

 

Ингээд 2017 оны хоёрдугаар сарын 15-нд хагалгаанд ороод эдгэрчихлээ гээд нутаг руугаа буцсан ээж нь удаан хугацааны турш зовж тарчилж байгаад тавдугаар сарын 17-нд түргэн тусламжийн машин дотор нас барсан аж.  

 

 

Д.Мигаа

Эх сурвалж: ZONE.MN

АНХААРУУЛГА: Уншигчдын бичсэн сэтгэгдэлд ZONE.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 99941845 утсаар хүлээн авна.
Сэтгэгдлийг ачаалж байна ...