2017 оны 10 сарын 12
Зочид буудлын бассейн дотор хүчтэй шуурга дэгджээ

 

Грекийн нэгэн буудалд амарч байсан жуулчид зочид буудлын бассейн дотор үүссэн хүчтэй шуурганы бичлэгийг хийсэн байна. Энэхүү хачирхалтай гамшиг хэд хэдэн сүүдрэвчийг хийсгэж амжсан бөгөөд харин зочдын хэн нэгэнд аюул учруулаагүй гэнэ.

 

 

Бичлэгийг Родос арал дээрх Линдос хот дахь Lindos Imperial Hotel-д хийсэн тухай  Daily Mail мэдээлжээ. Бассейны усан мандал дээр багахан хүчтэй салхи хэрхэн үүсч буйг бичлэг дээр харуулсан байна.

 

 

Салхи хөдлөөд удаагүй байтал  агаарт хэдэн метр өндөрт хоёр сүүдрэвч хөөрөх нь харагдана. “Би бассейний дэргэд наранд шараад сууж байхдаа усан мандал дээр ямар нэгэн юм хөдлөхийг харсан. Эхлээд чичиргээнээс энэ байдал үүссэн байх гэж бодтол бассейн дотор гэнэт хуй салхи дэгдэн, том сүүдрэвч дээшээ хөөрсөн” хэмээн Британийн жуулчин Иэн Хендерсон өгүүлжээ. 

 

 

Д.Мөрөн

Эх сурвалж: ZONE.MN

АНХААРУУЛГА: Уншигчдын бичсэн сэтгэгдэлд ZONE.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 99941845 утсаар хүлээн авна.
Сэтгэгдлийг ачаалж байна ...