2017 оны 8 сарын 11
Англи бүсгүйн амийг хөхнийх нь силиконыг авснаар аварчээ

 

38 настай англи бүсгүйн амийг хөхөндөө шахуулсан силиконыг нь авч байж аварчээ. Кети Ричмонд дөрвөн хүүхдийн ээж аж. Тэрбээр есөн жилийн турш янз бүрийн өвчнөөр шаналж, сүүлдээ үхэлд хүрээд байжээ. Бүсгүй хөхөндөө силикон шахуулснаасаа болж өвчлөөд байгаагаа мэдээгүй байна. 2009 онд тэрбээр уг хагалгаанд орж, хоёр жилийн дараагаас өвдөж эхэлжээ. Бүсгүй архаг ядаргаатай болж, хүүхэд байхад нь байсан багтраа өвчин нь эргэн сэдэрчээ. Мөөгөнцөрийн халдвараар өвчилж, нүүр нь хавагнан арьсаар нь дүүрэн толбо гарсан байна. Мөн юунаас болж байгаа нь бүү мэд харшил эхэлжээ.

 

Тэрбээр өвчнөөсөө болж дуртай ажил болох фитнессийн багшийн ажлаасаа гарахад хүрчээ. Кети 60 мянган фунт стерлингийг эмчилгээнд зарцуулсан байна. Янз бүрийн эмнэлэг, олон эмчид хандан эмчилгээ хийлгэсэн ч үр дүнд хүрээгүй аж. Тэрбээр бараг л үхэж байжээ. Харин нэгэн эмч түүнд хөхөө томруулснаас болж өвчилсөн байж магадгүйг хэлснээр Кети силиконоо авахуулсан байна. Тийнхүү бүсгүйн амьдрал эргэн цэцэглэжээ.

Тэрбээр энэ жишээгээрээ өөртэй нь адилхан байдалд орсон бүсгүйчүүдэд анхааруулга өгөхийг хүсчээ. Бүсгүйчүүдэд хөхөө голохгүй байж, эрүүл мэнддээ анхааран аль болохоор мэс заслаас татгалзахыг зөвлөжээ. Кети хүүхэд төрүүлээд унжсан байсан хөхөө чанга, сайхан болгох гэж мэс засалд орсон байна. Сайхан болсон хөхөндөө эхэндээ маш сэтгэл хангалуун байсан ч дараа нь ямар зовлонд унаснаа бүсгүй ярьжээ.

 

 

 

 

 

 

 

О.Саша

Эх сурвалж : ZONE.MN

АНХААРУУЛГА: Уншигчдын бичсэн сэтгэгдэлд ZONE.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 99941845 утсаар хүлээн авна.
Сэтгэгдлийг ачаалж байна ...