2017 оны 8 сарын 9
Хар утасны шид буюу түүгээр мөнгө дуудах нь

Таны өмнө нь хэзээ ч бодож байгаагүй зүйлс таний мөнгөний урсгалыг нээж бас хааж байдгийг та мэдэх үү? Өөрт буй зүйлсийг хэрхэн зөв ашиглаж өөртөө мөнгө дуудаж болох талаар та дараахь зөвлөгөөнөөс уншаарай.

 

Хөгжим, хөгжмийн дотроос пянзний хөгжим нь амьдралд хамгийн ойрхон дугаралттай гэж үздэг. Ер нь дэлхийн чинээлэг хүмүүс үргэлж пянз сонсдог нь пянзний дугаралт  тэдний модон махбодын мөнгөний эд эсийг сэргээж, мөнгөө үржүүлж болох боломжын тухайн бодолд нь маш том тус хүргэдэг байна.

 


 

Гэрийнхээ зүүн урд зүгт нь жижигхэн хар утас өлгөж 7 хоног унжуулж байгаад хаях хэрэгтэй.  Бүтэн нэг улирал ингэж чадвал санхүүгийн олон тааламжгүй урсгалыг уг утсанд шингээж цэвэрлэж байна гэж үздэг. Ингэж цэвэрлэгээ хийснээр  хамгийн тааламжтай нөхцлөөр гэртээ мөнгийг дуудах орчин бүрддэг байна.

 

 

Сан нь муу, өмхий үнэртдэг, эсвэл байнга эвдэрдэг айлын санхүү хэзээ ч тогтвортой байдаггүй. Мөн Монгол гэрт амьдардаг бол, усны саваа чимэглэж, байнга арчиж байх хэрэгтэй. Монгол гэрт зүүн өмнө зүгтээ усаа тавьдаг учраас энэ өөрөө эд баялагийн хамгаалагч болж өгч байгаа хэрэг. Тиймээс та бүхэн сан дээрээ мөнгө хэмнэхгүйгээр хамгийн үнэтэй хоолой, сефон авч, сайн чанарын душ, холигч сонгох хэрэгтэй шүү.

 

 

Баруун халаасандаа заавал нэг ширхэг зоос авч явж байгаарай. Энэ нь таныг бусдад өөрийгөө илэрхийлэх, зөв хандлага ойлголт төрүүлэх төмөр махбодын энергийг төвлөрүүлж өгөх болно. Боломжтой бол хамгийн бага мөнгөний нэгж байх хэрэгтэй. Өөр улсынх байх нь хамаагүй. Хамгийн гол нь бага нэгжтэй мөнгө байх хэрэгтэй.

 

 

Санхүүгийн таатай урсгалыг өөртөө чиглүүлж өгөх 8 алтан дүрэм:
1. Өгч байж авдаг. Учир нь мөнгөний урсгал буюу мод нь өөрөө тэтгүүлэгч махбодод оршдог учир модыг услаж, наранд байлгаж, хөрс шороог нь сийрэгжүүлж, бордож байж ургуулдаг шиг мөнгөнд ч бас ийм урсгал хэрэгтэй байдаг ажээ.
2. Гарч байж орж ирдэг. Хэрэв модны үр жимс салхинд унадаггүй, шарласан навчаа шинэчилдэггүй байсан бол хэзээ ч өндөр ургаж чадахгүй байсан.
3. Хөдөлгөөн явагдсаны дараа санхүүгийн урсгал идэвхиждэг. Өөрөөр хэлбэл чиний бүх биеийн хөдөлгөөнд мөнгө агуулагдаж байдаг гэдгийг мартаж болохгүй.
4. Өөрийнхөө чаддаг зүйлийг хэзээ ч  хүнд үнэгүй хийж өгч болохгүй.
5. Үргэлж хангалуун байлга. Бүхнийг.
6. Өөрөөсөө битгий харамлаж бай.
7. Мөнгө өгөхдөө үргэлж инээмсэглэж бай
8. Бүх зүйл өөрийн гэсэн үнэ цэнэтэй байдаг тул тэдгээрт нь тохирсон сэтгэлгээний биш бодит үнэлэмж нь мөнгө байдаг тул түүнийг шаардлагатай тохиолдол ашиглаж бай.

 

 

 

Ж.Сондор

Эх сурвалж: WWW.ZONE.MN

Азийн Фэнг Шүй групп

АНХААРУУЛГА: Уншигчдын бичсэн сэтгэгдэлд ZONE.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 99941845 утсаар хүлээн авна.
Сэтгэгдлийг ачаалж байна ...