2017 оны 7 сарын 15
Есөн жил хууль бусаар парламентын гишүүний алба хашжээ

 

Австралийн Ногоон намаас сонгогдсон 47 настай сенатч Скотт Людлам есөн жилийн турш парламентад хууль бусаар ажилласнаа хүлээн зөвшөөрсөн байна. Тэрээр давхар иргэншилтэй байсан учраас парламентад сонгогдох хууль ёсны эрхгүй байсан аж. Түүнээс өнгөрсөн хугацааны бүхий л цалин хөлсийг нэхэмжилж болзошгүй талаар  Yahoo!  мэдээлжээ.

 

Шинэ Зеландид төрсөн Людлам гурван настай байхдаа эцэг эхийн хамт Австралид нүүн иржээ. Ингээд арван жилийн дараа Скотт Ногоон тивийн иргэншил авсан аж. Харин Людлам болон түүний хамтран зүтгэгчид давхар иргэншилтэй хүн сенатад ажиллаж болохгүй гэдгийг ор тас мартсан байсан гэнэ.

 

“Миний хувьд энэ үнэхээр цочирдом явдал боллоо. Би болсон явдалд чин сэтгэлээсээ уучлал хүсч байна” хэмээн Людлам мэдэгдсэн бөгөөд эрх барих дээд байгууллагад хууль бусаар ажилласан хугацаагаараа рекорд тогтоогоод байгаа бололтой.

 

“Ногоон нам”-ын идэвхтэн гишүүн тэр даруйд өөрөө бүрэн эрхээсээ татгалзсан байна. Австралийн эрх баригчид түүнээс өнгөрсөн есөн жилийн цалинг нэхэмжлэх бүрэн эрхтэй боловч тэрээр өөрөө энэ талаар санаачлан мэдэгдсэн учраас улсад олон сая доллар төлөхөөс өршөөгдөх болов уу хэмээн Людлам найдаж байгаа аж. 

 

Д.Мөрөн

Эх сурвалж: ZONE.MN

АНХААРУУЛГА: Уншигчдын бичсэн сэтгэгдэлд ZONE.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 99941845 утсаар хүлээн авна.
Сэтгэгдлийг ачаалж байна ...