2017 оны 7 сарын 15
Хятадын хүний эрхийн төлөө тэмцэгчийн цогцсыг чандарлажээ

 

Хятадын хүний эрхийн төлөө цогтой тэмцэгч, Нобелийн энхтайвны шагналт Лю Сяобогийн цогцсыг ар гэрийнхний хүсэлт болон орон нутгийн уламжлалыг үндэслэн чандарласан байна. Тэрээр энэ сарын 13-нд элэгний хорт хавдрын улмаас таалал төгссөн билээ.

 

Чандарлахын өмнө салах ёс гүйцэтгэх ёслол болсон бөгөөд түүнд бэлэвсэн гэргий нь болон найз нөхөд нь оролцжээ. Ёслолын ажиллагаа Моцартын “Реквием”-ийн аялгуун дор явагдсан байна.

 

Хүний эрхийг хамгаалагч нэрт зүтгэлтэн хятад эр Шэньян хотын Анагаах ухааны их сургуулийн эмнэлэгт хорт хавдраа эмчлүүлж байсан бөгөөд тэндээ амьсгал хураасан аж.

 

 

Нобелийн энхтайвны шагналыг түүнд 2010 онд “Хятад дахь хүний суурь эрхийн төлөө удаан хугацааны туршид хүчирхийллийн бус аргаар тэмцсэнийх нь төлөө” олгосон бөгөөд тэрээр 1989 онд Тяньаньмэнийн талбайд болсон үйл явдлын үед оюутнуудын удирдагчдын нэг байсан юм.  Ля Сяобо 2009 оноос хойш шоронд хоригдож байсан бөгөөд энэ оны гуравдугаар сард хорт хавдрын улмаас суллагдсан хэдий ч өвчлөлийн эцсийн үе шатанд орсон байсан учраас ийнхүү удалгүй таалал төгссөн аж. 

 

Д.Мөрөн

Эх сурвалж: ZONE.MN

АНХААРУУЛГА: Уншигчдын бичсэн сэтгэгдэлд ZONE.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 99941845 утсаар хүлээн авна.
Сэтгэгдлийг ачаалж байна ...